發佈時間：14:56 2026-10-08
羅敏莊與丈夫陳國邦及女兒陳禛於2022年正式移居泰國展開全新生活。早前，東姑就喺蕭秀香（三姐）搞嘅「中國香港女廚師協會」見到羅敏莊現身，更high爆咁為宴會獻唱金曲，令現場氣氛非常高漲！
分享泰國「泰Chill」生活
難得返港的羅敏莊日前就接受TVB節目《流行都市》接受安德尊及宋芝齡訪問，大方分享在泰國的「泰Chill」生活，佢坦言當地嘅生活節奏與香港好唔同，佢就話：「泰國嘅生活節奏慢啲，喺香港成日都好趕，食飯90分鐘要你走，喺泰國飲杯咖啡可以坐成日都唔趕你走，比較慢活……可能我年紀大咗，而家想所有嘢都慢啲，我連講嘢都慢咗。」不過，談到當地的居住環境，羅敏莊就坦言當地都有一個小缺點，就係有時會水浸，不過都算係享受慢活生活之中的一個現實小考驗。
14歲陳禛正值青春期 開始害羞
講到現年14歲的女兒陳禛的近況，羅敏莊就話女兒正值青春期，，現時雖然對跳舞仍充滿熱誠，特別熱愛K-pop文化，不過對唱歌的興趣似乎不大。羅敏莊表示，移居泰國最主要的目的是為了女兒的教育，希望能為她營造一個更快樂、無壓力的學習環境，直言：「其實香港都好嘅，不過個壓力大咗啲，我想我個女喺無乜壓力底下，好開心咁成長，嗰度地方大啲，走動嘅地方多啲，想佢有個開心嘅童年。所以就試吓想佢去第二啲地方，見識吓人哋嘅嘢、見識唔同地方又點樣。」
強調同陳國邦感情冇變 變都要「和平分手」
羅敏莊在訪問中，除咗分享泰國慢活生活同女兒近況外，佢更分享自己與丈夫陳國邦的婚姻生活。由於羅敏莊長期在泰國陪伴女兒讀書，而丈夫陳國邦則因為工作關係經常需要香港、內地及泰國三地奔波，外界不免對兩人的夫妻關係產生好奇。對此，陳國邦早前受訪曾分享，與羅敏莊有「協議」，如果有一方變心要坦白，並和平分手。羅敏莊在節目中表示此「協議」是由她提出：「呢句嘢係我同佢講，如果兩個人相處，大家感情有問題，變咗心，真係要講出嚟，唔好收收埋埋，好核突咁……不如講清楚。嗱！唔代表我哋感情有問題，冇問題！」羅敏莊大方分享夫妻兩人的相處之道，「佢做得好過我，佢呢……每一日都要錫錫嘅，佢話好似演戲咁，由內至外，再由內到返外，每日都要錫吓攬吓，每日都要記住呢個世界上我最愛就係你喇！」
延伸內容 : 李麗霞、羅敏莊勁歌熱舞賀三姐 全場High爆！
延伸內容 :《尋秦記》李斯陳國邦係貓奴 高峰時有8隻貓
