發佈時間：18:40 2026-02-05
《非常檢控觀》於2月4日一集講到范小禹（戴祖儀飾）的「機心閨密」徐彥楓（蔡菀庭飾）終於被踢爆，是害死好姊妹的真兇，當中有兩場她的演出令觀眾極為深刻，首先她到醫院在小禹的病床，流露兇狠的眼神說：「范小禹點解你仲唔肯捨得死？你清醒嘅時候咩都要同我爭，到你依家昏迷仲要令我擔驚受怕」，當包家勉（丘梓謙飾）到來後，隨即「變臉」一副擔心好姊妹的樣子。另一場徐彥楓被警方拘捕入獄後，王頌星（陳煒飾）和包希仁（馬德鐘飾）到監獄找她，小禹醒後找徐彥楓，不但表示沒有責怪她，反怪責自己沒有盡到好朋友的責任，她更趁最後一口氣指今次事件是意外不關任何人事。
變面變得出色 被讚演技升晒呢
徐彥楓聽到小禹一番話後激動痛哭：「你冇錯！係我對唔住你」。她再道出自己一直妒忌小禹，邊流着淚說：「佢屋企破產，我不知幾開心，佢同包家勉分手，我好心涼，因為佢搶咗我暗戀嘅人，點會有好結果。」、「我要佢死都要孭住食聰明藥嘅污名」。最後她感到十分慚愧：「點解佢連死嗰刻都要維護我，最唔光彩嗰個係我，對唔住阿小禹」蔡菀庭在這場逾分半鐘的Solo戲，令觀眾們完全感受到她內心複雜情緒，故有不少觀眾指她表現出色，留言大讚她演技升晒呢。
感謝陳煒、馬德鐘教路
蔡菀庭（Tiffany）談到今次「徐彥楓」一角，有很大的發揮機會，蔡菀庭直言此角是其演藝生涯入面的里程碑：「因為呢個係好完整嘅角色， 令我體驗到成個角色嘅人生， 我記得一開始接到呢個角色時係開心到喊，慢慢就變咗好緊張同擔心。」另外，蔡菀庭表示拍攝過程感謝陳煒和馬德鐘的幫忙，十分照顧她， 蔡菀庭憶述在監獄那場爆喊戲，全因是頭幾場要拍攝的場口，故感到十分緊張。蔡菀庭：「我成個下晝都係架車度， 一路讀對白，一路醞釀情緒，煒哥見到我就問有咩幫到我，仲同我傾個角色又解釋我唔明嘅地方，真係好感激佢。」她又大爆這場戲是全素顏上陣，皆因其想配合在監獄的狀態，「我除咗素顏，仲特登化黑個黑眼圈，頭髮仲落啲油，想真實呈現徐彥楓當時嘅狀態。」另外，蔡菀庭感謝監製給予機會，令其更熱愛演藝這條路， 望成為一個出色的演員。
學霸級四料選美冠軍
蔡菀庭因為飾演「機心閨密」而被激讚演技大躍進，成功吸引網民關注兼好奇。蔡菀庭是「學霸級四料選美冠軍」，曾於2017年在《多倫多華裔小姐競選》奪冠兼橫掃四個大獎。2018年正式加入無綫的蔡菀庭，代表作是曾在處境劇《愛．回家之開心速遞》中一人分飾超過20個不同角色，及在第二季的《直播靈接觸》中，蔡菀庭飾演「恐怖娃娃」，並以認真做好每個角色贏盡正評。
延伸內容 : 非常檢控觀｜吳子冲飾悲情哥哥令人心碎｜同「拜金港姐」蔡嘉欣拍過拖│情迷「豬肉婆」
延伸內容 : 非常檢控觀｜賴慰玲執File成「美腿擔當」被封「最索人妻」登熱搜
延伸內容 : 非常檢控觀︱何廣沛渣男演出直逼《新聞女王2》黃宗澤 小演員周珈慜喊戲大爆發 為「家燕媽媽」學生
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
