發佈時間：08:10 2023-10-23
時間雖然不能逆轉，但在AI世代，任何事都變得充滿可能性。
在韓國爆紅的AI APP Epik，近日推出90's Yearbook後 ，風潮席捲全球，各地紅星，包括香港名人都爭相試玩，以人工智能為自己變出多款90年代的學生照。眾人彷彿走進了時光隧道，重溫那年盛夏綻放如花的青蔥歲月。
被譽為靚聲小天后的英皇歌手Gin Lee李幸倪，以AI生成出多個 90's造型，當中有斯文的校服look、教師look，還有活力十足的藍球隊造型，雖然是AI合成照，但效果逼真，粉絲睇完都忍不住話：「肯定就是你。」
在馬來西亞長大的她，高中時期參加過校內田徑隊，她笑言近日見這個app覺得幾有趣，於是即興試玩。「呢個90年代學生相的app幾得意，因為我讀書時是校內的活躍份子，間中會打藍球，又會同朋友柴娃娃扮啦啦隊為隊友打氣，不過我運動主力在田徑方面，所以未有加入校內的藍球隊和啦啦隊，呢個app正好讓我試試，將這些造型套在自己身上，是甚麼效果。我個人其實幾外向，當然亦有認真讀書和文靜的一面。」
倪晨曦動靜皆宜
縱橫時尚圈的倪晨曦，每見潮流玩物，都會第一時間試玩，這次她亦唔執輸，早早便試玩這個AI app，由斯斯文文的高中生，到活力十足的網球員，甚至連重口味的rock友look亦造出來自娛，「原來在AI世界我可以是……，以後都不用拍照片，最後那張﹙左圖﹚，不知道發生甚麼事，但我很喜歡。」
車婉婉回味校園生活
忙於主持《中年好聲音2》的車婉婉，上周深夜分享照片，當中多個學生look，令她回想起昔日的校園生活。「我當年到美國升學，讀到12班或升College，都有影過類似的學生相，所以見到這個AI app整了這些造型照出來，感覺特別有親切感，當年在美國讀大學的記憶即刻返晒嚟。最正梗係啦啦隊造型啦，因為自己當年未做過，只在電影裏睇過，既有隊形又跳得高。」
周美鳳復活小野貓
公關公司老闆周美鳳亦跟貼潮流，跟子女玩埋一份，「個仔話個app操作複雜，點教我都唔識用，叫我準備8張相，由佢幫我整。當我收到批相，第一眼睇，嘩！真係好似我18-21歲個樣，令我諗起當年喺加拿大讀書的快樂日子。我當時有個花名叫『小野貓』，那時青春嘛，好多男仔追，成日都感覺好多人圍住我，仰慕我、錫我。好多男仔對我大獻殷勤，那種感覺好開心。」
她說以前在香港影學生相，效果一定不滿意，「以前唔鍾意影學生相，因為影嚟影去都唔會靚，但𠵱家有AI，點影都靚。」
譚嘉儀最like學生妹
雖然玩呢個90's Yearbook要付費，但譚嘉儀卻樂在其中，整了超過百多個造型，「我覺得整出來的相好得意，似樣得來又好似變咗另外一個人，而且仲可以有百變嘅造型，rock友又有，乖乖學生又有、仲有男仔造型。最鍾意係幾個學生look，因為感覺好青春，同埋經過AI處理，效果自然又神似。以前中學影學生相，因為未識打扮，影親都成個男仔頭，呢個app影出嚟就靚好多。」
