發佈時間：12:19 2025-10-22
《巨塔之后》於10月20日播出的第16集，宣萱和庭鋒的母子相認場口獲大讚相當感人。劇情講到董一妍（宣萱飾）懷疑志明（黃庭鋒飾）是其兒子，暗地做了DNA測試並發現二人DNA超過99.9%吻合。原本靜候適當時機認回兒子的一妍，遭志明截足先登，志明一臉激動地自白找了很久、才知道一妍在明塱當醫生，之後因一直好奇「媽咪」長甚麼樣子及性格，志明很想和一妍相認。聽到志明這樣說，一妍一輪沉默後忍不住哽咽，並以既抑壓又傷心的語調顫抖著說出：「入嚟明塱之後，我諗過好多可能性…但我冇諗過會見番你。」
宣萱大讚庭鋒有驚喜又親切
宣萱說畢這段台辭、庭鋒已滿眼淚光，此時宣萱拿出紙巾抹鼻，這場相認戲單是開頭已令人十分感動。之後庭鋒角色為了安撫宣萱、強調自己多年來生活過得很好，宣萱聽著一邊強忍眼淚、一邊激動至身體不自覺一再抽搐，將悲痛的情緒極富層次地演繹了出來、配以一對滿載感情的淚眼，即時獲得網民激讚。談到相關場口，宣萱曾公開表示此場戲最難忘，演戲經驗爐火純青的她、更謙稱場口很具挑戰性：「因為未埋位前，我都未諗到自己將會點做（演），但後尾一Roll機就做到。」宣萱還大讚庭鋒有驚喜又親切：「佢畀到好大驚喜我，大家Day 1見到嗰陣，已經有一種連繫喺度」。
延伸內容 : 巨塔之后│李爾晨昏迷足足12集 醒三秒即死 獲封「最悲慘男角色」
延伸內容 : 巨塔之后｜48歲陳展鵬扮演20歲大學生零「違和」 同劉佩玥分手 懸念滿滿
延伸內容 : 巨塔之后︱ 陳煒正式登場 以3造型展現Fit爆身段 跟宣萱正面交鋒充滿火藥味
拍感情戲前 進入「安靜投入Mode」
庭鋒接受官方訪問時，透露為了好好培養情緒，他與宣萱都進入了「安靜投入Mode」：「我記得嗰日好早已經到咗，因為呢場好緊要。我冇喺拍之前同Jessica講好多嘢，因為我都知道佢都要培養情緒，我驚騷擾到佢，而且我自己都要Focus，要諗吓點演。呢場戲係要好用心咁去感受、所以好難去設計定太多嘢。」雖然場口難度高，但庭鋒與宣萱竟在零NG情況下順利完成，相當厲害，庭鋒：「我哋拍咗3 take，一個Wide shot、各自一個Tight shot。我記得嗰一刻我哋都好融入喺個情感入面，同埋每一Take Jessica（宣萱）都畀咗好大情感我，所以先咁順利。」
庭鋒受初哥哥「啟發」做手語
庭鋒坦言除因宣萱畀足感情幫到他入戲、宣萱的親切感以及二人平時暢所欲言的相處模式亦甚有幫助：「傾偈過程令我哋變咗好似好耐冇見嘅朋友咁，令到我有少少忘記係演緊戲，咁反而可以幫助我放鬆、從而更投入到做戲！（你哋平時主要講啲乜？）好Casual架，姐姐（宣萱暱稱）咩都講架，例如會講吓英國嘅讀書同生活，有時仲會無啦啦講咗英文，好親切。我又試過問佢：『咁多經典劇，你最鍾意邊套（角色）？』姐姐份人都好率直，所以真係咩都會講。」
談到劇中要演繹不少手語動作，獲網民大讚做足功課，庭鋒坦言確是收到手語片已馬上練至滾瓜爛熟，皆因他覺得這樣做出來的手語才自然；他又笑言當年因受到《十月初五的月光》初哥哥「啟發」做手語，故一直想學手語：「所以當我知道要做手語，更加覺得好好玩、好有發揮。」
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
即睇：鍾鎮濤與范姜「姜濤戀」有火花對談 拍《巨塔之后》床上戲心得
立即追蹤《東周刊》全新WhatsApp頻道，緊貼全城熱話、突發猛料、獨家消息！
