發佈時間：15:04 2025-10-05
竇靖童（Leah Dou）《狀況外》世界巡迴演唱會，昨晚（4日）於香港麥花臣場館上演終極一章，在一票難求下，全場爆滿！演唱會「只此一場」，除咗Leah嫲嫲專程來支持孫女，不少圈中人包括陳奕迅（Eason）同老婆徐濠縈、囡囡陳康堤、容祖兒、黃耀明、陳蕾、雲浩影及男友T-Ma、上山詩鈉及女兒Hilary、湯君慈、張蔓芝、張蔓莎、江旻憓及張王幼倫等都來撐場。
首次現場演唱王菲的《暗湧》
這次香港站，Leah絕對落足本錢及心思，她特意由上海運來自己購買的音響控台，務求將最靚、最完美的音質帶給香港樂迷，這份誠意，現場觀眾完全收貨，個個聽到如痴如醉。
除此之外，Leah今次更特意為香港樂迷準備一份「見面禮」-首次現場演唱王菲的《暗湧》，前奏一響起全場即時起哄，Leah坦言自己十分喜歡《暗湧》這首歌，「加上因為係第一次喺香港做show，所以想唱一隻我覺得大家可能會鍾意嘅歌，想有好多surprise for香港嘅觀眾。」
準備30套戰衣世巡
另外，這次世巡共有三十套歌衫，來到最終站的香港，Leah特別換上一套全新的白色歌衫，向來少有穿白色服裝的她，簡約得來又有自己風格，同時亦融匯貫穿整場演唱會的主題。
香港尾站竟然打破慣例
歷時兩年的世巡，唱遍十多個城市，包括內地十城，新加坡、紐約、洛杉磯、台北、巴黎、倫敦等地，從來沒有encore環節，但香港尾站竟然打破慣例！完場後全場觀眾不肯離開，不斷大叫「encore」，最後Leah再度現身，唱出從未曝光的全新單曲《Fruit Fly》作為送給香港歌迷的終極大禮。
《Fruit Fly》是與韓國K Indie界十分著名的The Black Skirts合作，對方包辦曲詞創作及製作，歌曲融合其標誌性獨立風格與Leah的自由率性的唱腔，營造出私密而迷人的聽覺體驗，香港樂迷能夠搶先聽到，認真威水。
Leah以歌聲及行動証明她對香港樂迷的重視，整個演唱會於充滿驚喜、誠意及感動圓滿結束。
延伸內容：竇靖童巡唱最後一站定於香港 門票瞬間即逝
《東周網》訪談系列節目《星桄伴我心》9月重磅嘉賓：
即睇：羅毓儀淚眼訴說4段情 冧數林俊其出「七連招」追求 甜蜜剖白：我想出年結婚！
即睇：鄭子誠感動細訴與劉倩怡「手指公」情緣 爆因黃夏蕙變奸 因陳百強變成偷渡客
