發佈時間：13:48 2025-09-19
李芷晴在《女神配對計劃》最終拒絕同追求者林焌堯（Jacob）進一步發展，選擇單身，未能配對成功，事後她在社交網發長文發表感受，再次強調拒絕林焌堯（Jacob）並非對方問題，大讚對方是非常優秀的男仔，感謝對方為其為付出和進步。不過，李芷晴就被不少網友指她向Jacob派「好人卡」，拜金收兵，戲弄男方。
自言過往很怕做決定 遇到問題會選擇逃避
李芷晴配對不成後，在社交網發長文，她感謝節目所有人，又指這段期間「好似上咗一堂戀愛課堂」，每次拍攝令其更了解自己，「原來以往嘅感情經歷，加上年紀問題，開展一段新嘅感情變成好重要好沉重嘅決定，但我依然相信愛情，真係好想認真發展一段關係，所以變得更謹慎。如果自己問題未解決，就去開展一段新嘅關係嘅話，我相信呢段關係唔會長久，亦對大家都唔公平。」
李芷晴自言過往很怕做決定，故當遇到問題會選擇逃避，又或者將選擇權交給其他人，她表示拒絕一個人並不是容易的決定，拍攝當日她好緊張、好掙扎，搵了很多人去傾，好感謝大家的意見同支持才可以下到這個決定。
延伸內容 : 《女神》 密會斷正！ 李芷晴秘約「怕醜仔」打友誼波
延伸內容 : 女神配對計劃｜李芷晴追求者Jacob超「怕醜」 估佢唔到一招冧到女神笑
李芷晴：愛情並不是一份清單
李芷晴又表示愛情並不是一份清單，不是邊個符合的條件更多，就會選擇邊個，而是遇見一個特定的靈魂，然後發現成個世界因此而變得唔同。她說：「當我準備好嘅時候，我依然期待愛情嘅到來。」對女神的留言，Jacob就留言表示：「尊重你嘅決定，希望你幸福」節目的其他參賽者Jaden、Matthew、Matt也有留言為李芷晴打氣：「多謝我哋嘅女神Step帶俾我哋一個精彩難忘夏天」、「掂㗎啦，唔會冇人要㗎」、「你個決定真心唔易做，respect and proud！」
但有些網民對李芷晴的言論有意見，批評她：「其實你參加嚟做咩？」、「對jacob冇feel就冇feel啦，講到自己未準備好拍拖」、「更加了解自己係拜金？」對於網友狠批自己，李芷晴就回覆：「如果你唔理解我嘅諗法我好尊重，亦都好歡迎你分享你自己嘅諗法，但係希望你唔好用呢一啲嘅字眼去侮辱人。」而該名用侮辱性字眼的網民亦再留言，承認自己言辭過激，用上不恰當字眼而道歉。
曾拒絕周嘉全被斥太絕情
而節目初期，同是為tvb演員的周嘉全，就向芷晴展示當年送給她的素描畫，並充滿誠意地說：「以前我遇到真心鍾意嘅女仔，我都淨係識得送幅畫畀佢，算送完畀佢，我都唔夠膽承認自己鍾意佢。希望以後唔止係畫畫，想將時間同心機所有嘢都送畀佢。」周嘉全的深情剖白即令在場幾位女神梁敏巧 、葉蒨文、 關嘉敏和羅毓儀感動得眼泛淚光，可是李芷晴本尊就表現得非常迷茫，最後更沒有按燈，周嘉全連走出幕前跟女神見過面的機會也沒有。
李芷晴沒有給予周嘉全機會，她事後示：「我真係完全冇諗過佢對我係有意思，所以就會變咗好混亂…可能畀多幾秒我我就會撳咗，依家都少少後悔。」雖然她感後悔，但當時有不少網民覺得李芷晴太絕情，可以按燈給對方一個追求和了解自己多點的機會，甚至讓身為藝人的周嘉全多些曝光機會，實在係太絕情、太無情呀！
延伸內容 : 女神配對計劃︱李芷晴拒絕周嘉全被斥太絕情 曾被麥美恩肉緊擁抱「波濤胸湧」
延伸內容 : 李芷晴演《愛回家》Elaine夠入屋 新戀綜節目公告單身配對搵男友
延伸內容 : 女神配對計劃︱李芷晴同周嘉全認識7年冇Feel 無悔拒愛
立即追蹤《東周刊》全新WhatsApp頻道，緊貼全城熱話、突發猛料、獨家消息！
