更新時間：13:25 2026-10-23
發佈時間：13:25 2026-10-23
發佈時間：13:25 2026-10-23
《善心滿載仁愛堂2026》日前順利舉行，台上有好多名人明星雲集，點知一眾觀眾同網民嘅焦點，竟然意外落在一位「禮儀先生」身上！呢位禮儀仔憑住高大身材加超高顏值，喺台上輕輕一站就瞬間搶盡風頭，仲引發網民洗版式集體尋人！
高大身材加「零死角」超吸睛
有網民喺社交平台晒出當日嘅現場相，相中見佢一身貼服俐落嘅西裝、身姿挺拔、五官深邃立體，簡直係「零死角」顏值。雖然只係負責遞下嘢、帶下路嘅禮儀工作，但身上嗰股陽光朝氣同亮眼氣質，想遮都遮唔住，東姑見到都有啲心跳加速！
曾客串《愛·回家之開心速遞》
東姑第一時間梗係起下佢底，原來呢位震撼網民心靈嘅小鮮肉叫吳敬浩（Justin），係TVB第33期藝員訓練班嘅新晉男神。雖然剛入行冇幾耐，但其實佢早就暗暗喺幕前滲透，除咗喺處境劇《愛·回家之開心速遞》客串過之外，亦有份參與TVB與警務處合作嘅《警聲百二秒III》。
今次因擔任「禮儀先生」意外爆紅，不少網民即時去佢社交平台狂留言加油：「加油呀靚仔！」、「無意中被你電到」、「幾時有新劇睇呀？」潛力無限嘅佢，隨時成為大台下一位上位小生，大家拭目以待啦！
最Hit
