發佈時間：15:53 2025-09-01
陳樂榣（Ally）與老公葉泓聲（Gordon）和10歲大女兒Aria，以及林子善和5歲女兒林以晴，上周六（30日）出席電影《喬治婭》2025全球108場巡展香港站於荷里活廣場戲院舉行的慈善放映場。電影故事講述關於小朋友走失，Ally表示都遇過同樣經歷，幸好最後有驚無險。經營首飾店多年的她，即將搬新舖擴充業務；而開Cafe的老公Gordon，亦會逆市入股連鎖餐廳，擴展飲食業版圖。
陳樂榣帶女兒遊主題樂園突然消失
電影故事講述關於小朋友走失，育有兩女一子的Ally，表示也有同等遭遇，指曾有一次和大女Aria（跟前夫所生）在主題樂園險失散：「以前帶佢去主題樂園玩，當時佢只有3歲，現場好多人，佢睇緊嘢，咁啱1秒咁望一望其他嘢，轉個頭就見唔到佢，嚇到個心離一離，隨即大叫。」幸好女兒聽到媽咪叫聲，識得追聲尋母，好快已出現在她面前。她續說：「𠵱家二女都兩歲，好多時會走來走去，所以我哋都睇得好緊，老公更加緊張，所以應該唔會有走失嘅情況發生。」
陳樂榣搬新舖Gordon入股連鎖餐廳
近年踏足飲食業的Gordon，其位於大坑的Cafe，落實跟本地一間連鎖式老字號茶餐廳合作，將繼續開分店。跳唱組合「天堂鳥」出身的他，亦不忘初心，表示已着手籌備推出新歌，最近還隨明星足球隊到不同地方作賽，他笑言未必有太多時間陪子女，故要辛苦老婆照顧。
而經營首飾店多年的Ally，近日忙於搬新舖擴充業務，她說：「舖頭將會由大坑搬去銅鑼灣個商場，個舖位好靚，一上電梯就見到，𠵱家試業緊，嚟緊會有Grand opening；另外，亦會喺尖沙咀一個大型商場開舖，𠵱家都傾得七七八八，如無意外都係9月開張。」
提到剛過去的暑假，Ally表示孖老公和大女一家三口到韓國旅行：「因為生咗兩個細佬妹，Attention好似去咗細佬妹度，大女話想同我哋一齊去旅行，因為大女𠵱家10歲，唔會再去玩具店，反而鍾意扮靚，例如去買衫、化妝品同護膚品等，所以佢玩得好開心。」
林子善稱陪女兒睇完戲要收拾心情開學
同場的林子善也帶同5歲女兒林以晴去看電影，並大讚籌得款項用以資助貧窮學童，十分有意義：「今日太太要返工冇嚟，不過我一個人都可以照顧個女，因囡囡平日都好黐我，經常打電話畀我，問我放工未？喺邊度？係咪做緊Gym？又會叫我返屋企同佢食飯。因為就嚟開學，所以帶佢嚟睇戲，之後就要收拾心情喇。」
提到戲中夫婦經常鬧交，他稱早在拍拖時已經跟老婆約法三章：「如果嗌交，我發緊脾氣，就唔好理我，等我嬲完，大家先一齊去解決問題，如果我有錯，一定會改，所以我哋一直相處得好好，根本好少有爭拗。」
電影女主角小Geo Geo留低出席分享會
當晚除了藝人現身支持外，主辦紅地毯投資有限公司董事Simon Li、電影監製徐千雅和導演喬美亦有出席，女主角喬治婭Georgia（小Geo Geo）更與家人特地由外地飛來香港出席慈善放映場。電影結束後，於社交平台共擁過千萬粉絲的小Geo Geo留低出席分享會，現場觀眾反應熱烈，更有不少粉絲帶埋公仔禮物到戲院送給她，最後小Geo Geo和妹妹合唱作結。
延伸內容：陳樂榣 教女有一手
延伸內容：正式簽紙註冊 葉泓聲宣讀誓詞感動哽咽 陳樂榣笑言肚餓只想食嘢
延伸內容：葉泓聲三代同堂 風水信仰與千呎風水屋
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
即睇：楊思琦破天荒講跳水前度吳帥：「好多人話我貪慕虛榮！」 親揭神秘老公底細 收$1200傾偈5分鐘解謎 與13歲女兒獨家真情對話
即睇：譚俊彥大爆與李佳芯電話傾心事內容│太太放棄演藝事業下嫁│親解爸爸狄龍與姜大衛不和謎團
