發佈時間：14:37 2025-09-03
近期，曾展望（GM）靠戀愛真人騷《女神配對計劃》而人氣急升，與女神葉蒨文（Sophie）的感情發展更是令觀眾滿心期待。節目接近尾聲，因為得到監製的默許，兩人於是密密見面。早前打風，他們更被捕獲拍拖看電影。
除此之外，日前在大角咀的一間道堂，《東周刊》就獨家直擊，兩人一起找德高望眾的陳理一道長，做姻緣和合的法事：「情比金堅」及「千里姻緣一線牽」。期間，他們不單止在身上貼金箔、綁紅繩，更埋飲符水，為求「催旺愛情運」扭盡六壬。
人「財」兼得
無綫戀愛真人騷《女神配對計劃》引起全城熱話，當中「女神」葉蒨文（Sophie）與「求愛勇者」曾展望（GM）這一對，在節目中害羞的表情和曖昧的互動，交織愛的淚水，讓觀眾同樣心如鹿亂撞之餘，更令他們人氣急升，並且率先跑出，獲得廣告商的青睞，以情侶檔接拍了多個廣告，以及出席商演搵真銀，當真人「財」兼得！
雖然今年32歲的Sophie比GM年長5年，但兩人除了情投意合之外，還同樣有過度活躍症；此外，他們無論興趣與家庭背景亦甚為相似，可謂「perfect match」。
在節目中，Sophie坦言自己成長於單身家庭，而GM恰巧地也是，他憶說：「爸爸於我16歲時離世，家庭成員有媽媽、妹妹，以前還有一位家
人—工人姐姐。我比妹妹年長近8年，爸爸離世時，妹妹年紀仲好細。當時都有啲長兄為父，但其實自己嘅心智未達到，又覺得自己有責任⋯⋯」
細水長流
雖然GM表面上大細路，但其實思想十分成熟，尤其是對於感情事，他曾表示：「最重要就是俾心機了解大家。其中一件最窩心嘅事，就係我做錯咗，但係Sophie會默默咁包容我，呢個係一件好浪漫嘅事。」而他的愛情觀便是：「感情要細水長流，想要走到好遠，不能夠單靠一時激情，好多時生活一定會發生好多摩擦，嗰個時候互相包容好重要！」
互相扶持
不過，外界亦聲音質疑這對「姊弟戀」能否合得來？GM又分享說：「愛情沒有分年紀，我喜歡Sophie有時係姐姐、有時係妹妹咁樣。大家相處時，會有唔同嘅面向，有時我好似哥哥咁照顧佢，但有時自己又會撒嬌，俾佢嚟𠱁𠱁我。我心目中嘅關係，就係佢照顧我嘅同時，我亦都take care佢，大家互相扶持、一齊進步去面對所有事。GM再強調感情發展的關鍵在於人品、契合度及三觀是否一致。至於年齡僅是表象，而家人都對他的感情事持開放態度，最重要是他喜歡，並相信他的眼光。
雖然節目還未播完，但女神的芳心早已暗許，因為Sophie一開始已表明GM是自己的理想型，兩人亦因拍《愛•回家之開心速遞》有感情的基礎，而互生情愫。其實，節目最初揀選3位「求愛勇者」時，Sophie不諱說：「我本身對GM嘅好感多過其他兩個好多，因為我本身唔係好識佢哋。」
開壇作法
據悉，拍攝初期，《女神配對》的節目監製為免影響拍攝流程及「劇情」的發展，嚴禁兩人私下見面。不過，早前節目已經煞科，為免Sophie和GM受相思之苦，監製便默許「解禁」，結果在早前的打風日，有網民就拍得兩人到數碼港的戲院，拍拖看電影，Sophie亦坦言：「監製話可以俾我哋自己私底下見面，嗰次係第一次宣布解禁然後出街，又唔係做啲乜嘢，只係睇戲咋嘛！」
此外，日前約下午二時，在大角咀陳理一道長的道堂，《東周刊》就發現GM和Sophie的蹤影。當日善信眾多，法會由早上10時開始，兩人到達後，就刻意企到離行離迾。期間，陳道長根據善信的要求，分批進入道堂的大殿，接着便為他們開壇作法，而兩人等到其他人離開，最後才進行法事。
據悉，GM和Sophie所做的是姻緣和合的法事：「情比金堅」及「千里姻緣一線牽」。在施法期間，陳道長既為兩人貼金又繫上紅線，而他們亦誠心地聽從道長的吩咐。離開前，陳道長更特別準備了兩碗符水給兩人享用，而他們也乖乖地咕嚕咕嚕一飲而盡。有德高望眾的陳道長加持，又獲大眾一致睇好，這對「GS戀」真係10號風球波都打唔甩！
延伸內容 : 曾展望師傅因朋友鬼上身學法 │「咪神」波波、三太樊亦敏入道成弟子
延伸內容：女神配對計劃｜曾展望委屈哭訴 葉蒨文感動落淚揭鍾情GM主因 Eddie林澤謙輪流出招
延伸內容：女神配對計劃︱曾展望扮蠢呃葉蒨文攬攬 兩情敵輪流亂入 阻住與女神過夜
延伸內容：女神配對計劃丨葉蒨文曾展望鬥深情對望好Sweet 兩人感情因一樣嘢起變數
