發佈時間：13:08 2026-11-05
TVB新劇《超時空男臣II》昨日（11月4日）舉行開鏡拜神活動，一眾主角蕭正楠、曹永廉、何廣沛、戴祖儀、賴慰玲、冼靖峰同楊明等齊齊現身。幾位男主角以古装造型示人，當中蕭正楠威風凜凜叉埋雙手影大合照，現場即刻有人笑佢「有型得嚟又掗拃」！
蕭正楠大讚戴祖儀「完全冇形象」
講到今次女主角大換血，新加入戴祖儀同賴慰玲，蕭正楠就大讚戴祖儀極具喜感，鬼馬生鬼又冇包袱，仲笑言對方「完全冇形象可言」。至於感情線方面，蕭正楠預告同賴慰玲喺劇集中段會有發展，曹永廉就話自己主打親情，而何廣沛就保持神秘，隻字唔提隻賣關子話感情線「好特別」。前陣子網傳陳瀅先係女主角，三位男主角同聲同氣表示不知情，一口咬定只係網民謠傳。
蕭正楠等囝囝長大睇「搞gag爸爸」
剛剛升呢做新手爸爸嘅蕭正楠，感嘆生咗囝囝之後重回劇組拍喜劇別具意義，最想拍出一齣好笑嘅作品，等囝囝長大後知道爸爸都「幾搞gag」。佢仲爆料話囝囝同太太黃翠如去咗馬來西亞工作，喺當地有契媽契哥照顧，已完全融入當地生活。被問到囝囝睇見佢古裝鬚樣認唔認得，蕭正楠笑言囝囝初時覺得奇怪，但聽得得出佢嘅聲音。至於會否順便喺大馬置業？蕭正楠即笑稱：「拍多幾部先，加油！」
曹永廉一個月瘦咗8磅
同場嘅何廣沛將於年尾結婚，坦言婚期正好橫跨劇集拍攝期，特別感激劇組願意配合時間放行籌備婚禮，亦大讚未婚妻好體諒，一手包辦咗好多瑣碎事。一旁嘅曹永廉即刻發揮本色毒舌笑指：「原來我哋經常開夜喺要就你！」另外曹永廉為劇集減肥，開工一個月已瘦咗8磅，笑言要再走偶像派路線，仲大感嘆話相隔10年再同呢班老友聚首拍續集好難得，一定要好好珍惜。
今次劇集動作場面亦有新突破，蕭正楠透露多咗採用 AI 技術拍攝，省去吊威也嘅時間同體力，只需配合做表情動作，不過佢坦言雖然省力但過程比想像中複雜，自己始終偏好親身上陣，但亦樂意藉此學習新技術。
延伸內容 : 朱晨麗離巢│同何廣沛6年地下情 傳戀百億電子大王、富二代 得「殼王」關照變富貴
延伸內容 : 朱晨麗無預警宣布離巢 分享舊照 向恩師、高層致謝 十多年畀無數機會！
