發佈時間：20:53 2023-09-27
無綫劇集《寵愛Pet Pet》成熱話，因以動物傳心為題材，在本地視界來說屬少有。參演《寵》劇的無綫娛樂新聞台主播兼《LAW霸女神》主持賴彥妤，領養玩具貴婦狗「多多」，並以人狗孖咇上陣合演《寵》劇。中秋將至，實行「人狗兩團圓」的賴彥妤，究竟了解「多多」有幾多？「多多」喜歡「食燈籠玩月餅」？對於中秋節有何感覺？資深動物傳心師Charmaigne Wong和「多多」來一場深度對話，即時傳譯「多多」的心底話，了解「多多」有咩係Like或Dislike！
「多多」叫賴彥妤做呢樣嘢......
現年5歲的「多多」性格乖巧又活潑，其實牠知道中秋節是什麼嗎？Charmaigne說：「多多對中秋節嘅印象，係見到好多燈籠，有啲有火，有啲係用電，但佢係喜歡電燈籠，同埋覺得中秋節夜景好靚。至於月餅口味，佢知道有凍冰冰，又有常溫，覺得食凍冰冰嘅月餅有啲牙，兩款都美味，但食邊款都好，都一樣要抹嘴。」
愛在心裏真的口難開，「多多」說知道媽媽賴彥妤十分寵愛牠，但也有一些說話想跟媽媽說：「我想媽媽噴香水時，噴啲清淡啲。」賴彥妤聞言即「O嘴」：「吓！平時我用嘅香水都已經清淡，可能『多多』嗅覺敏感啲，好啦！我為咗『多多』，噴少啲香水。」
Charmaigne補充，很多主人都會在中秋夜帶狗狗去散步，同時為應節，可能會給毛孩戴着熒光圈：「我唔提倡用熒光圈，因為會對皮膚唔係咁好，同埋唔好將啲燈籠，包括電燈籠放喺佢哋身邊咁埋，因為佢哋會覺得好熱。至於食月餅，主人要視乎動物體質去選擇，人食嘅月餅就唔好畀佢哋食，因為鹽份高，對寵物咤嘅腎臟好大負擔。」
「多多」升呢做「孫仔」
笑言自己是「多多」婢女的賴彥妤，說自幼已想養狗，但不獲家人支持，直至讀大學時，因緣際會下見到「多多」，自此建立人狗情緣：「『多多』係領養返嚟嘅，記得第一次見到佢嘅時候，佢只係幾個月大，就已經好識做，即刻埋嚟嗲我，好似注定咗我哋嘅緣份。」
「多多」進入賴彥妤的生命後，已成為家中一份子，就連之前反對養狗的嫲嫲，已視『多多』為「孫仔」。她說：「養咗『多多』後，我諗對我生活嘅改變，係我返工或出街食飯都好，總之好想快啲返屋企陪佢，如果我收工夜咗，更加會掛住，行街時又會想買嘢畀佢。例如過時過節，會幫佢睇衫仔，好似中秋會買黃色衫，新年就會着紅色，佢會坐埋嚟一齊食團年飯，仲會加餸畀佢！屋企人都當咗佢係孫仔，試過我夜返，屋企人係第一時間叫我唔好嘈醒佢，『多多」嘅地位比我仲高！」
賴彥妤指「多多」是活潑外向型，喜歡跟其他狗狗玩，在家時則表現「乖仔」兼好「黐人」，並且十分善解人意：「我如果唔開心，『多多』係會感受到，會做樹窿，會陪我聽我講嘢，仲會主動錫返我。最難忘嘅，當然係帶『多多』一齊開工，拍《寵愛Pet Pet》，每日開廠都見到好多狗狗，寓工作於娛樂，又可以賺『罐罐』，不過有幾場戲要抱足佢10幾個鐘，第二日我隻手就好似做左一年gym咁，好攰！」
現時令賴彥妤較頭痕的，是『多多』的皮膚問題，她說：「佢細細個時，皮膚比較敏感，會不停咁『搲痕』，嚴重嗰陣時會甩毛，睇過醫生，未搵到源頭，依家用食療幫佢。除咗食防敏感嘅狗糧同supplements之外，都會煮啲新鮮食材如蔬菜俾佢食。」
「多多」非A0！
現時「多多」屬於單身一族，一早已脫離「A0」的階段，賴彥妤說暫時不打算為「多多」找伴侶：「『多多』細個嘅時候，試過有個女朋友仔，係朋友嘅狗女，因為養毛孩都要花好多心機時間，我未必會養多隻，不過會盡量帶佢去街街嘅時候，同其他狗狗玩。」
至於會否認為自己是好主人時，賴彥妤說自己仍有不足：「有時忙住做嘢或者出咗去，唔夠時間陪『多多』，不過平時都錫到佢燶，佢係屋企嘅皇帝仔。總之一見到面，就爭取時間同『多多』玩，帶佢去洗白白做Spa。其實毛孩好似小朋友咁，要當佢係小朋友一樣照顧，要留意佢嘅生活所需，陪佢同錫佢多啲，始終主人就係佢嘅全世界，所以希望畀到最好嘅嘢佢。」
高CP值寵物月餅即Check！
唔問唔知，透過Charmaigne的傳譯，始知原來嘴刁的「多多」對選擇寵物月餅都有自己一套諗法！《東周網》安排三款無論口味、營養價值甚至包裝設計，CP值高的寵物月餅給「多多」品嚐，「多多」以「望」、「聞」、「吃」的三種方式去試食，為免包裝設計擾亂「多多」視線，每款月餅以不同形狀的碟來盛載，來讓牠「嗒真啲」！
圓形碟：多多食評：「個味道同我細個食開嘅狗糧差唔多，味道同香味都好新鮮！」
心心碟：多多食評：「好香，香到好似餅乾同曲奇餅一樣，雖然我不嬲都唔係咁喜歡食狗餅，但係呢款月餅好香！」
星形碟：多多食評：「呢款嘅材料我食得出係最特別，因為啲材料嘅味道，係我從來未食過。但係食完要抹乾淨個嘴仔，因為有啲粉粉哋。」
究竟「多多」點評咗邊三款？開估！
‧圓形碟：愛護動物協會x鮮食煮意月餅 豪華寵物月餅禮盒 (四件裝) $328
貓狗皆宜，集四款純肉口味：雞肉、鴨肉、牛冧肉及駝鳥肉，豪華禮盒裝更有寵物湯圓及精選鮮食餐包各一盒。
‧星形碟：Little Petdators 寵物冰皮月餅 4件裝禮罐 $268
以低敏肉類及低敏食材，在香港自家工場手工製造。外皮由淮山、日本米粉、天然蔬菜粉及羊奶粉製成， 不含麩質、麵粉及人造色素，由於特製柔軟外皮，非常易咬，絕對啱老狗和貓貓食！至於月餅罐設計也盡見心思，可以印上名字或短句，而月餅罐更可循環再用，擺放毛孩小飾物也可！（可在www.littlepetdators.com或WhatsApp 5636 0252 訂購）
‧心形碟：Puppuccino寵物手工月餅 $288
款式可愛，有兔仔、菠蘿及老虎造型，分別代表薯仔雞肉、黃番薯雞肉及紅菜頭牛肉。每款的主要成份也不同，薯仔雞肉款式含南瓜、燕麥及雞肝等；黃番薯雞肉的主要成份有鴨肉及菠菜等；紅菜頭牛肉的主要成份則有免治牛肉、燕麥等。（https://puppuccino.com.hk/）
