發佈時間：13:13 2025-07-14
《女神配對計劃》播出後製造了不少話題，五位女神梁敏巧（Maggie）、李芷晴（Stephanie）、關嘉敏（Carman）、葉蒨文（Sophie）及羅毓儀（Yuki）的一舉一動都備受關注。昨晩（7月13 日）播出第六集，羅毓儀組的「三角枱約會」最終回，她要輪流被 T.Max和林俊其（Kris）「壁咚」，隔住個芒都感覺到她心跳加速。
T.Max預備好秘密武器冧女神
羅毓儀在「壁咚」環節中，面對好友 T.Max，對方一來就霸氣地將羅毓儀逼埋牆，拎出他早已預備的秘密武器「排球少年扭蛋公仔」，之後他就向羅毓儀說出「愛的告白」。 T.Max：「我記得當初我喺日本時應承你，我要將呢一個畀你，但依家少咗一隻，我真係希望有機會可以同你一齊去日本，一齊扭番淨低嗰隻…你係真係令到我想重新相信愛情嘅人。」
延伸內容 : 女神配對計劃丨羅毓儀追求者醫美太子爺 媽媽好猛料 真身大曝光！
延伸內容：女神配對計劃｜羅毓儀前男友真身曝光 拍拖4年分手有原因
羅毓儀被林俊其「壁咚」誇張臉紅
之後輪到林俊其（Kris）上場，羅敏儀未開始被「壁咚」已經面都紅晒地大叫：「救命我想走！」之後，她全程不敢睜眼兼瘋狂避開男方視線，最搞笑是不但忍不住偶爾眼仔睩睩偷望，每次時長不到一秒，更臉紅到耳珠，十分誇張。
林俊其一邊「壁咚」一邊追問她是否曾對自己心動，羅敏儀就扮聽唔明：「咩呀？」、「我聽唔明，你講多次。」林俊索性單刀直入問：「係咪承認對我有心動過？」羅毓儀聞言唧一聲笑出聲，更掩嘴兼耷低頭，後來又講反話否認：「唔係呀」，之後又偷望林俊其的反應，繼面移開視線。羅敏儀繼續強調：「我冇心動過，冇呀冇呀！」又乾笑兼眼泛淚光說：「救命呀，我走先，要匿埋。」主持兼金牌經理人林盛斌（阿Bob）大為雀躍，而黃嘉雯更說：「佢（羅毓儀）唔想望佢喎，係咪即係有感覺呢？」江美儀肉緊大叫：「紅都面晒！」
延伸內容 : 女神配對計劃︱羅毓儀現身宣傳 林俊其回應同梁超怡關係
延伸內容 : 女神配對計劃︱林俊其同港姐季軍甜蜜shopping 幾個月後進擊羅毓儀
延伸內容 : 女神配對計劃︱冧到羅毓儀放棄小鮮肉 「王浩信2.0」林俊其背景起底！
羅毓儀派好人卡給 T.Max
羅毓儀最終在「三角枱約會」時，直指醫美太子爺陳衍丞(Kenneth)不太了解「壁咚」的感覺，之後又派好人卡給好友兼追求者 T.Max，她表示和 T.Max的關係似朋友多點，她說：「我覺得我哋嘅興趣、想做嘅事，你係個可以信賴交心嘅人，可能更似朋友。」至於林俊其「壁咚」兼被追問是否有心動感覺，羅毓儀就表現得心花怒放，臉紅承認有對他心動，又冧爆咁話對方：「我覺得你好壞。」
