更新時間：00:10 2025-07-09
發佈時間：00:10 2025-07-09
發佈時間：00:10 2025-07-09
TVB處境劇《愛·回家之開心速遞》又加入新成員！當年由資深藝人劉一飛飾演曹總，可惜他因病於2021年離開劇組。繼《中年好聲音3》李金凱入組後，在該比賽奪得季軍的劉洋亦強勢加盟，他將會飾演「細曹總」。昨日（7日）TVB上載一段最新訪問中，見到劉洋與原版曹總不論外形、樣貌、口音都似到十足十，連「熊若水」呂慧儀都忍唔住話：「一見到佢個造型，當年咩感覺都返晒嚟！」
呂慧儀稱兩個真係好似
當年曹總狂追「熊若水」呂慧儀，所以片中見到劉洋和呂慧儀一同接受訪問。劉洋梳了曹總的招牌「蛋撻頭」，又戴住金絲眼鏡，還着住棗紅色西裝兼唔扣鈕，完美複製曹總「土豪」造型，他們外形和樣貌又相近。呂慧儀更直言：「𠵱家咁樣嘅感覺同造型，真係一模一樣，好有回憶！而佢真係學曹總學得好似，尤其係語氣同埋動作，大老闆嘅架勢都好似。」
講廣東話唔標準是特色
雖然劉洋廣東話唔算好標準，但反而成為角色特色！片中他大聲爆出一句「又係你」，即引來全場爆笑。原來劉洋都是《愛回家》的粉絲，亦有看曹總當年追熊若水的戲份，劉洋自爆做足功課：「我特登翻睇晒曹總所有戲份，連追熊若水嗰啲經典場面都研究埋！」網民勁期待：「想睇大小曹總同場鬥戲！」、「期待洋洋演出」等。
「曹總」集體回憶返晒嚟
原版「曹總」劉一飛在北京出生，長大後移居香港，1989年加入TVB國語配音組。2012年加入首輯《愛回家》，之後到《愛．回家之開心速遞》亦繼續沿用「曹總」名字，並與「熊若水」有過一段霧水情緣。2021年他因病離開劇組，今次劉洋接手加入，相信會勾起觀眾不少集體回憶及帶來無限驚喜。
延伸內容：劉洋孖韋綺珊秘行婚紗店 準備俾女友驚喜
延伸內容：黃博對奪冠爭論唔嬲 劉洋開心被封「民選冠軍」 宣布賽果小豬「O嘴」海兒咁樣解釋
《東周網》訪談系列節目《星桄伴我心》6月重磅嘉賓：
即睇：75歲翁倩玉爆初戀情人秦沛畫卡通追求 隨緣孤身走情路 紅着眼憶重病父 為見愛妻堅持站起來
即睇：「蝦頭」楊詩敏父母離婚有陰影 愛情受重傷 細訴同火火轟烈戀情
最Hit
