更新時間：12:50 2025-07-09
發佈時間：12:50 2025-07-09
發佈時間：12:50 2025-07-09
貴為兩屆視帝的 王浩信，2006年以歌手身份出道，近年王浩信轉攻內地市場，重拾歌手本色。早前，參與綜藝節目《今晚好犀利》外，近日他在廣州舉行演唱會，其中揀唱hit爆洗腦歌《跳樓機》，當他唱到假音部分，出現災難情況，被網民形容似「缺晒氧咁款」。
王浩信唱被指到「缺晒氧咁款」
網上就瘋傳王浩信唱《跳樓機》片段，有唔少網民留言話估唔到歌手出道的王浩信唱得如此多fun，有說「唱唱下變咗女人聲」、「墮樓機」、「缺晒氧咁款」、「就快斷氣咁款」。
王浩信跳抖音舞《大展鴻圖》似出賣靈魂
另外，上星期六喺廣州舉行生日音樂會—廣州站，嘉賓有同樣係離巢TVB嘅菊梓喬。
二人合唱之外，王浩信仲喺台上教菊梓喬跳抖音舞《大展鴻圖》，本身首歌嘅舞步都係騎呢，手長腳長嘅王浩信就梗係跳得更諧趣。
網友都紛紛留言話「見到佢就覺得賺錢真係好辛苦」、「點解最近見到王浩信嘅片 都好似有一種出賣咗靈魂嘅感覺」。
最Hit
