發佈時間：18:29 2025-07-02
《女神配對計劃》早前播出第3集，女神葉蒨文(Sophie)同三位求愛者林澤謙（Him）、林堡熙 （Eddie）和曾展望(GM)食晚餐。當大家以為女神一定特別有優勢，但原來葉蒨文反而給與運動員出身的林澤謙Him面對面食晚餐和食甜品的寶貴機會。
疑似因涉選舉種票而曾經入獄
林澤謙Him得到女神的厚愛，即時成為城中熱話，及被起底，指有一名名為林澤謙的男子，曾涉及2016年立法會選舉資訊科技界種票案而被判入獄。翻查當年資料，事發時年約18、19歲嘅林姓被告，受朋友拉攏下，加入一個組織，藉以登記獲取資訊科技界投票資格。案件於2021年裁決，24歲的 林澤謙被判罪成，需要入獄6周。
延伸內容 : 女神配對計劃︳葉蒨文求愛者林澤謙拍內褲廣告爆晒肌 被爆疑曾入獄6周？
林澤謙：我始終係做錯左。我好後悔
被爆黑歷史後，林澤謙昨天(7月1日)就在社交平台留言：「剛剛呢個星期有好多嘅報道、評論，唔同平台，不論係好壞，真假，我都有去睇。事情係10年前，自己無知愚昧冇諗清楚，將資料交左俾朋友，而呢啲資料最後亦被不妥當使用。我並冇參與任何投票行為，但我始終係做錯左。我好後悔，亦承擔左應有嘅後果。當時我可以做嘅，就係繼續努力完成學位同繼續努力訓練，為自己人生負責。而上述紀錄其實亦已經無效，所以我並非刻意要向任何人隱瞞或不作申報。如有任何人主動問及，我亦會大方承認。對節目造成不便同影響，我感到好抱歉。「要學打波，先要學做人」，以往我有處理得唔好嘅事情，但正正係呢啲經歷或者犯錯，造就我依家嘅改變。係節目中我係真誠咁同每一位交流，我相信每位女神同參加者都係。鏡頭前我哋認真盡力參與、鏡頭下我哋係朋友，會傾唔同嘅嘢，只係節目時間有限 大家未必有機會睇到更多。所以無論你係支持邊一位，我認為都冇需要惡意去中傷攻擊其他人。最後，多謝一直支持我嘅人，希望大家繼續好好享受呢個節目。」
葉蒨文：我更加在意一個人嘅現在
對於林澤謙的過去，葉蒨文被網民在社交網留言問到會否介意追求者有案底時，她就回覆表示：「我更加在意一個人嘅現在，現在就已經包含佢嘅過去同埋思維，我亦都會觀察一個人嘅成長空間」。葉蒨文還明言每個人都有自己的過去，她更注重人的現在，女神唔止靚，心地仲好善良、好包容。
延伸內容 : 揭「女神」葉蒨文秘撈護士搵外快 為慳錢食$48快餐醫肚
