發佈時間：10:00 2025-06-22
湯水一向好重要，但有幾多人有時間去買材料，然後坐定定睇火煲靚湯？
「洗米嫂」陳慧玲（Heidi）瞄準有商機，最近和朋友合作，強攻養生湯市場，推出4款自熱扭扭湯，$78就有交易。當中一款「纖盈女神素湯」，更是她的獨門秘方。「我有定期食素嘅習慣，初頭以為湯唔放肉，味道會好淡，但原來只要擺啱材料，可以勝過有肉去煲湯。」
創業賣湯，她親力親為，頻頻直播帶貨，踏出成功的第一步。
獨門秘方
搞過餐飲、公關、設計等事業的洗米嫂，曾經分享養生凍齡的心得，表示心態最重要，不能夠懶，要多吃保健食品和食素。飲埋靚湯，自然可以由內靚到外。
洗米嫂近年生活低調，直至好友Dicky早前專程到澳門「跪在她面前」提出邀請，她在無法再推卻之下，才破天荒答應做網上直播的美容護膚品嘉賓。初試水溫，網民反應熱烈，促成她開心share埋「洗米嫂廚房」珍藏的靚湯秘方，並於日前推出發售。
4款自熱湯包括花膠核桃燉烏雞、黨蔘枸杞乳鴿、烏雞蟲草花燉人參和姬松茸羊肚菌素湯，後者又名「纖盈女神素湯」，是洗米嫂重點推介，聲稱可輕鬆瘦身。她發動宣傳攻勢，幾乎日日拍片放上網。其中一段片，她逐一介紹材料，然後煲湯，飲到舔舔脷，其他人就飲預製的同款自熱湯，力銷一樣無分別。
洗米嫂說：「逢初一十五，或者某啲特定日子，我都會食素。素湯其實可以好好飲，同埋好足料，冇味精。呢個湯有姬松茸、核桃、蟲草花等，如果想甜啲，可以擺多啲腰果。只需要扭蓋等5分鐘，就會即刻變咗一碗新鮮滾熱辣嘅湯。」她更做埋KOL直播帶貨，和網民互動，溫馨提示大家碗湯好熱，不要讓小朋友打開，非常貼心。
快樂媽媽
洗米嫂努力發展養生湯事業之餘，亦重視家庭，享受親子時光。她為丈夫「洗米華」周焯華先後誕下大女周梓潼和細女Damiana，與繼子周柏豪亦相處融洽，經常舉家去旅行吃喝玩樂。
今年母親節，洗米嫂和3名子女、老爺、姑奶等齊齊慶祝，子女乖巧送花、送禮又獻吻，令她甜到入心。她開心地說：「人像lego是大女砌出來，電子相架是兒子弄的，滿滿的愛。」在她的身教下，兩名女兒感情深厚，和她十足餅印的大女，更願意晨早起床，支持妹妹在下雨天的跑步日。
有一日，洗米嫂忽然感觸，指見到Damiana的背影很高，不似一個9歲半的小女孩而自覺老了，引來網民留言安慰。有人卻錯重點，向她請教如何可以令小朋友長高一點，想不到洗米嫂親回：「佢一直都keep住飲奶粉，由出世至今，不同年齡階段嘅奶粉，應該係呢個原因吧！」
洗米嫂熱愛家庭，亦愛錫自己，平時會打網球，又勤力健身，保持零贅肉的身材。高度自律，換來健康的生活，開心就係咁簡單。
《東周網》訪談系列節目《星桄伴我心》6月重磅嘉賓：
即睇：75歲翁倩玉爆初戀情人秦沛畫卡通追求 隨緣孤身走情路 紅着眼憶重病父 為見愛妻堅持站起來
即睇：「蝦頭」楊詩敏父母離婚有陰影 愛情受重傷 細訴同火火轟烈戀情
