發佈時間：17:59 2025-06-10
唱作新人梁煒謙（Vince），既懂得彈結他、吹口琴，又會創作音樂兼是學霸，近日推出首支單曲《夜雪》。日前他冒着炎夏乘坐「音樂路演貨車」，穿梭尖沙咀與旺角舉行首個街頭音樂會。其實Vince在路演前，已在附近進行戶外拍攝工作，因而出現輕微中暑情況，但當他看見大批觀眾無懼炎熱天氣在場支持，超感動的他仍堅持走出冷氣貨車，在車前與粉絲近距離互動獻唱，十分落力！
流動舞台初體驗「超奇妙」
梁煒謙首次以大型改裝貨車作為流動舞台，Vince以「超奇妙」來形容這次初體驗，他說：「所有嘢都好新鮮，尤其看到自己嘅新歌海報在車上，再走到車前為大家唱歌，感覺真係好特別！」由於在路演之前，Vince先要完成一個戶外拍攝工作，在酷熱天氣下已出現輕微中暑情況。其實他可以留在貨車內的冷氣空間表演，以免身體不適狀況加劇，但當Vince見到粉絲無懼炎夏仍到場支持，便決定走出車外獻唱。
輕微中暑仍為歌迷唱到腳軟
Vince連唱幾首歌後，中暑情況更趨嚴重，他事後說：「當日天氣真係好熱，加上近日好潮濕，唱到中段確實有啲腳軟，要上車稍作休息。」他坦言近期宣傳檔期密集，加上炎熱天氣導致體力不支，但仍感興奮多於辛苦說：「因音樂係我熱愛嘅工作！」現場觀眾不僅為他送上凍珍珠奶茶消暑，更因路演旁邊有雪糕車，還特意購買雪糕贈他打氣，令他大為感動。
4歲小女孩全程支持好感動
當日路演分為上、下半場，尖沙咀與旺角均吸引大批市民駐足欣賞。最令Vince驚喜的是，竟然有位年僅4歲的小女孩在旺角全程聽他唱歌，更與他開心合照，成為他年紀最小的粉絲，他笑言：「小妹妹真係好可愛，我特意準備小禮物送畀佢，非常開心！」Vince除獻唱了出道作單曲《夜雪》外，更以結他自彈自唱演繹陳冠希的《壞孩子的天空》，再以口琴獨奏孫耀威經典作《愛的故事上集》。
第二首創作單曲快將登場
Vince強調學業與音樂並行不悖：「目前時間安排仍可應付，尤其宣傳期適逢暑假，相信影響不大。」他更預告第二首個人創作單曲已經完成，他透露：「新歌係R&B風格，由我包辦曲詞，仲兼任監製，預計今年8月底或9月推出。」為實踐唱作人目標，Vince透露自己正進行「地獄式特訓」，要求自己每周創作一首Demo，現時已累積20餘首作品，希望未來有更多佳作送給大家。
延伸內容：黃翊升呢做師父 提攜梁煒謙成2025年樂壇新人 稱當自己個仔咁湊
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
