發佈時間：12:30 2025-05-21
黃翊升呢做師父，提攜梁煒謙（Vince）為2025年樂壇新人。Vince本身是醫學院生物醫學學生，又識得彈結他、吹口琴和創作音樂。他推出的首支單曲《夜雪》，前日（19日）舉行發佈會，Vince開心表示沒想到可圓夢做歌手，十分感謝師父黃翊。而黃翊與Vince在疫情期間認識，之後一見如故；由於Vince好正面、好單純，年紀又跟他的兒子差唔多，可惜兒子去了美國讀書，所以黃翊將Vince當仔咁湊，把父愛全給他。
每星期進行作歌特訓
Vince在發佈會上即場演繹有份參與填詞的新歌《夜雪》，再唱出《黑洞》和《遙吻》，他開心表示：「真係冇諗過有一日可以夢想成真，能夠成為歌手，我覺得好窩心，可以得到師父黃翊、蔣嘉瑩同艾力嘅支持，非常感恩，希望大家接受我呢個樂壇新丁。」
Vince更希望可以成為唱作歌手，繼《夜雪》親自填詞後，已計劃推出第二首單曲，並將會一手包辦曲詞：「 希望每首歌我都可以有份參與，監製有一個特訓，要求我一個星期要交一首Demo，目前完成咗20首歌，希望我可以Keep住推出個人作品，去到唔同舞台唱歌，只要有一個人願意聽我嘅音樂，我都會繼續唱。」
感恩有師父黃翊出現
4歲開始學口琴的Vince，還邀請師父黃翊跟他同台合唱《最愛的你》，期間他以口琴伴奏，他表示：「其實我好緊張，幸好有師父喺隔離。」為了答謝「黃師父」的照顧，Vince花了一星期時間親自畫了幅素描送給對方，而黃翊亦送了藍芽卡拉OK咪作鼓勵，並說：「以後生生性性，要努力唱好歌啦！」聽到師父這樣說，Vince即感動得流下男兒淚，場面感人。
多了個暱稱叫「表弟」
Vince表示跟黃翊在疫情期間認識，之後一見如故，在黃翊悉心指導和安排下，有機會圓夢踏入樂壇，他透露：「我同師父嘅淵源，要講到疫情期間嘅《Very Cool Live》音樂節目，當時我做舞台劇的表姐帶我去，之後師父畀咗好多動力我。有一次佢表演仲叫我上台一齊唱，又介紹監製Dominic畀我認識；直到我收到第一首Demo，佢同蔣嘉瑩都有鼓勵我派台，同時又好似爸爸一樣，照顧我喺音樂工作同學業上嘅平衡，真係好多謝佢。」這次音樂上的結緣，還讓Vince多了個暱稱叫「表弟」，他解釋：「由於係表姐帶我認識師父、蔣嘉瑩同Live現場一班樂手，所以佢哋𠵱家會表姐一樣叫我『表弟』，我好鍾意呢個名，好親切。」
黃翊蔣嘉瑩即場力撐
黃翊在《Very Cool Live》認識「表弟」時，「表弟」還未夠20歲，已令他留下深刻印象，他憶述：「當時佢已經唱得有板有眼，仲好似耍雜技咁，邊唱歌邊吹口琴同彈結他，最難得佢唔係只識唱近年嘅歌，估不到連80、90年代嘅歌都一樣識唱。」
黃翊加深對「表弟」的認識後，覺得他人品不錯，決定好好栽培，他坦言：「佢好正面、好單純，年紀又同我個仔差唔多，但我個仔去咗美國讀書，我就做『黃師父』，當佢好似我個仔咁湊，將啲父愛畀晒佢，同埋自己都做過新人，當日都希望有人提攜，𠵱家見到佢對音樂咁有熱誠，幫到就盡力幫啦！」蔣嘉瑩亦稱讚「表弟」是難得的人才，她說：「佢唱新舊歌都一樣咁好，同埋份人又乖仔，我覺得好值得幫。」
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
