發佈時間：13:28 2025-05-05
許恩怡（Natalie）與導演梁禮彥日前代表《久別重逢》出席一年一度在意大利烏甸尼舉行的遠東電影節（Far East Film Festival）。Natalie和梁導演同是首次踏足該電影節，今次《久別重逢》更有逾10場活動、放映會跟座談。Natalie直言放映電影時，特別留意外國觀眾睇字幕的反應，沒想到他們完全投入、並捕捉到成套戲的感覺，做完仲拍掌兩分鐘，她真的驚訝到呆了！
觀眾拍掌2分鐘嚇呆
今年該電影節有多部香港電影參與，包括《爸爸》、《虎毒不》和《焚城》等，而此行令Natalie與梁導演深深感受到當地觀眾如何熱愛香港電影，Natalie說：「喺電影放映嗰日，係喺一個3層高嘅劇院入面睇，聲音效果各樣都好震撼，加上係第一次同梁導演參加電影節，所以十分之期待！」
她續說：「我專登留意外國觀眾睇字幕時嘅反應，因為我知道佢哋會好細心咁睇，發現原來觀眾係完全投入到同捕捉到戲入面嘅感覺同意思，完咗之後大家拍掌拍咗兩分鐘，我係未試過，真係驚訝到呆咗，企喺度都唔知畀咩反應好，感覺好夢幻、好唔真實，今次嚟到真係好值得！」
繼續出席電影節宣傳
許恩怡還表示電影節的觀眾真的很好熱情：「佢哋唔單止鍾意電影，仲係好鍾意香港電影，喺呢個時候電影市道嘅狀況，好多人都唔係太樂觀，但係嚟到意大利遇到一班咁熱愛香港電影嘅觀眾，真係好大鼓勵，同時亦都改變咗我嘅心態，佢哋係一群陌生嘅人，就連喺街上遇到佢哋，都會好主動同我講支持，真係好希望香港電影可以去到世界唔同嘅地方，嚟緊我會去台北、紐約嘅電影節，透過呢部電影介紹香港呢個地方、分享本地文化同廣東話呢種語言等等，帶住香港故事畀大家認識，係好珍貴嘅經驗。」
許恩怡全程獲胞姊陪伴
這次是Natalie首次到意大利，她的姐姐也專誠從英國飛到意大利陪伴妹妹，Natalie表示：「我家姐都有同我一齊，認識我工作同電影嘅團隊，感覺係大家去到邊個地方，電影都可以將大家Connect埋一齊。呢度嘅天氣好好，每一處地方都好似畫咁靚，我哋仲日日食Gelato同Tiramisu，好開心！」
延伸內容：同陳卓賢談戀愛 許恩怡似媽媽柏安妮甜美
延伸內容：耀眼星二代大檢閱｜柏安妮20歲女許恩怡 「父親」劉華加持
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
