發佈時間：16:10 2025-05-05
《中年好聲音3》昨晚（4日）「經典情歌」8強戰競爭激烈，原本落後的趙浚承獻唱〈Forever Love〉給到場打氣的太太，成功打動所有評審得98分，除成為本回合首名外，同時獲嘉賓評審王馨平頒發MVP，令他本回合獲得14分累積分數。而王鄭浚仁唱出〈I Will Always Love You〉，雖然唱功一再獲評審肯定，但因整體「情感不足」僅獲88分，變成本回合最低分，累積分數僅得5分，結果被淘汰。最終殺入7強的選手依次為（根據總累積分數排名由高至低）黃博、張與辰、劉洋、李金凱、陳芷盈、趙浚承及占士丁丁。
趙浚承真情獻唱反超前至第6名
由於趙浚承與王鄭浚仁本回合累積分數相差9分，二人總累積分數排名出現戲劇性的變化。原本以3分落後王鄭浚仁、以25分總累積分數排名第8名的趙俊承，經過本回合總累積分數激增39分，由原本的第8名躍升至第6名。至於原本以28分排名第7名的王鄭浚仁，因本回合只得5分累積分，結果以總累積分數33分排名第8名，成為今集被淘汰選手。
趙浚承淚流披面多謝太太支持
一直抱着隨時被Foul心態、放盡一唱的趙浚承，在榮獲MVP後大為感動，他淚流披面多謝太太一直以來的支持及包容：「多謝咁多位評審老師，一步一步幫我搵番個自信。今日呢個MVP係我老婆嘅，謝謝！『老婆，在那麼多個月的比賽過程，我沒有太多時間去照顧孩子，多謝老婆』。」趙太在台下聽到這番話亦表現感動，一再掩臉兼熱淚盈眶。談到頒發MVP準則，王馨平直指因覺得趙浚承有突破：「MVP應該係今晚令我哋覺得有所突破嘅，所以我鍾意降龍十八掌（指趙浚承）！」
王鄭浚仁被淘汰笑指「光榮畢業」
對於成為《中年好聲音3》第8名，王鄭浚仁笑言是「光榮畢業」：「我好想多謝我媽媽每一集都有捧我場、Message我同埋鼓勵我。第8強，我覺得我自己係光榮畢業，接落嚟我會愈唱愈強，證明畀大家睇王鄭浚仁係非常識唱歌嘅。」之後還大方擁抱及感激趙浚承，笑指二人因經歷了一場又一場不相上下的比拼，成為不可分割的戰友：「我哋𠵱家有個新名叫做『王鄭浚承』，其實好多時我哋分數都好接近，同埋我哋兩個都係迷失緊，所以我哋都會互相鼓勵，今次見到浚承可以攞到MVP，真係戥佢好開心，好正呀！」
網民熱議為王鄭8強止步感可惜
對於昨晚戲劇性賽果，網上引發熱議，有網民為王鄭8強止步感可惜，亦有網民大讚趙浚承確是大躍進：「韓國人（趙浚承）呢幾Round的確進步咗好多」、「浚承係唱得好聽，冇（無）話可說」、「今集趙同金係唱得都好喎」和「王鄭雖敗猶榮」等等。
李金凱版本〈今生今世〉整喊評審
昨晚大熱劉洋及李金凱同樣獲得96分及高度評價，反觀被指魔王級的黃博僅獲92分排名第4，令人更期待總決賽當晚7位選手的表現。而昨晚8位選手中，除了趙浚承、李金凱獻唱的〈今生今世〉令評審哭成淚人，本身屬易喊的肥媽，因憶起已故巨星張國榮亦泣不成聲，肥媽邊說邊哽咽謂：「我今日係真係感受到，好似哥哥返咗嚟咁樣呀，尤其係嗰句『今生約定他生再擁抱』，令我諗番起哥哥，多謝李金凱，令到我哋記番起哥哥嘅溫暖。」
王馨平續說：「你係呢次嘅歌手裏面，一開口我就知道ok，佢嘅聲音好溫暖，就算唱啲咁夭心夭肺嘅情歌，佢都好溫暖到我（哽咽），我之前喺電視機前面聽佢唱歌，我已經好感動，𠵱家坐喺現場見識到現場嘅威力，你令我有好有啟發，我都要再唱歌，你鼓勵到我，你知道嗎？」海兒更指難忘李金凱版本的〈今生今世〉，她說：「我聽其他歌手唱歌，我會諗好多嘢，但我聽金凱唱，我會好似空白咗咁，我只會諗如果我有日結婚，都想再聽佢唱多一次呢首歌。」
延伸內容：《中年好聲音3》100強參賽者被塞500元錫姨姨 網友感慨 : 「搵食艱難，放下尊嚴」
延伸內容：《中年好聲音3》占士丁丁人生多起跌 曾紅爆內地夜場酒吧 低潮時做地盤工、帶貨
延伸內容：中年好聲音3｜「音樂女神」海兒自揭床上癖好：呢個姿勢有xx作用 專家警告隨時傷害脊椎！
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
