更新時間：10:00 2025-05-04
發佈時間：10:00 2025-05-04
發佈時間：10:00 2025-05-04
參選2024年度港姐入行的鍾翠詩（Tracy），雖然大熱倒灶失落獎項，但塞翁失馬焉知非福，轉頭在《萬千星輝賀台慶2024》的大抽獎環節上，獲得43萬元理財存款加其他獎品，合共總值逾50萬元。其後，她還獲安排擔任《娛樂新聞台》的外景主持，入行僅3個多月，喜事連連，相當幸運。
選華姐、港姐 實現演藝夢
從小已有很強表演慾的Tracy，由大學修讀傳理系，到選華姐、港姐，一步一步實現自己的演藝夢。她開心的謂：「都算係實現咗兒時嘅夢想。我入行前較內斂，但因工作要採訪藝人，個人口才同應對都有進步，最開心係見到兒時嘅偶像，好似陳凱琳係我大學師姐，大家讀同一科，一傾偈就好快聯繫埋。而我細個睇好多吳卓羲嘅劇集，好欣賞佢嘅演技，一見佢真人時就神魂顛倒！採訪時個腦空白晒，佢仲問我係咪好緊張？」
學演技、跳舞、瑜伽增值自己
第一步已成功踏出，Tracy期望將來可以在劇集或綜藝節目上有精彩的演出，「我會努力增值，稍後會學演技、跳舞、瑜伽等，同時想開設自己嘅網上平台，分享吓自己嘅化妝貼士。我知道呢個行業比較被動，我有一定嘅目標，暫時會俾5年時間發展。」出生於Z世代的Tracy，成長於網絡普及時代，網上資訊快，當然要主動出擊喇！
延伸內容：鍾翠詩食完要還 進行「168飲食大法」減磅Keep Fit
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
最Hit
