更新時間：20:07 2025-04-14
發佈時間：20:07 2025-04-14
發佈時間：20:07 2025-04-14
25歲鍾翠詩（Tracy）參選2024年度港姐競選時，縱使失落獎項，但轉頭已獲安排擔任《娛樂新聞台》的外景主持。由於時常要出鏡，即使選港姐時只得約100磅，但她份外緊張自己的體態，不惜長期採取「168飲食大法」，令自己保持在最佳狀態。日前東姑在觀塘街頭巧遇Tracy，見她飲完台式飲品又食燒賣，事後她解釋趁工作前醫肚，但之後食完都要還，惟有繼續用番「168」去減磅，都話減肥係女人嘅終生事業啦！
長期採取「168飲食大法」
鍾翠詩除了獲安排擔任《娛樂新聞台》的外景主持，行運行到落腳指尾的她，早前又在《萬千星輝賀台慶2024》的大抽獎環節中，贏得價值50萬元的獎金和獎品。入行後，由於時常要在幕前見人，Tracy也份外緊張自己的體態，她不惜長期採取「168飲食大法」，令自己保持最佳狀態。
飲完台式飲品又食燒賣
日前，在觀塘街頭，東姑巧遇Tracy，當時她買完台式飲品後，又到對面士多買燒賣，食完正準備離開。東姑趕緊上前和她打招呼，她亦大方停步：「趁工作前，食啲嘢。其實，我好鍾意食零食、街頭小食同飲『廢水』，但始終上鏡要瘦啲，所以我要採用168飲食大法，即係每天禁食16小時，並將進食時間限制喺8小時之內。」
只能多吃雞蛋和雞胸
她喋喋不休地繼續分享：「我選港姐時就約100磅，但因為之前1月生日，跟住農曆新年去咗加拿大同美國旅行，所以食多咗嘢，𠵱家又要開始控制番體重，我惟有多啲食雞蛋同雞胸，其他美食都要忍下口。」東姑都希望Tracy百忍可以成功得到她目心中的 S 那塊「金」。
《東周網》訪談系列節目《星桄伴我心》4月重磅嘉賓：
即睇：倪樂琳曾因心口胎記感自卑 爆媽媽鍾意某男星
即睇：黃秋生剖白人生幾段情 愧對亡母，對花槽祭父，大仔生死劫，細仔嗲功攞錢
最Hit
