發佈時間：21:30 2025-04-08
胡鴻鈞（Hubert）今日（8日）出席由星島新聞集團旗下《東周刊》主辧的「香港服務大獎2025」頒獎典禮，他對獲頒「慈善之星」感到榮幸。他在台上分享得獎感受時稱，年青時會義務幫小朋友補習，看到孩子們成績有進步，那份滿足感比賺錢更開心。最近推出新歌《恆溫行李》的他，今年希望多唱這類「胡鴻鈞式」情歌以滿足歌迷，並且繼續進行內地巡演，甚至將演出帶到世界各地。
《東周刊》「香港服務大獎2025」
由星島新聞集團旗下《東周刊》主辦的「香港服務大獎2025」公布結果，今年共頒發43個獎項，表彰企業、機構及其品牌，以至名人的卓越成就。頒獎典禮於今日舉行，並由文化體育及旅遊局局長羅淑佩擔任主禮嘉賓，以及由科技創新界香港立法會議員邱達根和香港中華廠商聯合會會長盧金榮擔任頒獎嘉賓。
義教幫小朋友有滿足感
胡鴻鈞獲獎時表示：「多謝星島新聞集團同《東周刊》頒呢個獎畀我，亦恭喜各個得獎嘅機構同單位。講到慈善，其實我每一個慈善都好想做，所以你要我諗一個，我諗可能同學習有關，因為我以前未入行之前，係會同人補習同教琴賺零用錢，但我亦都有義教幫啲小朋友，我覺得喺整個過程中，最大滿足感係睇到小朋友從冇興趣學習到慢慢有興趣，然後佢哋嘅成績由以前唔合格到合格，我覺得呢個過程比賺錢更加開心。如果我以後有機會嘅話，我都希望可以用自己僅有嘅知識去幫助一啲小朋友。」
全新廣東歌《恆溫行李》
談到近況，Hubert最近推出了一首全新廣東歌《恆溫行李》，算是為了今年在內地巡演的一個Kick-off，他說：「因為我喺3月尾時完成咗內地巡演第一站—江門，亦都唱咗呢首新歌，之後我希望可以推出更多新歌。（除咗出歌會拍戲嗎？）拍戲都係等通知，因為做演員都係比較被動，但音樂上可能會主動多啲，因為嚟緊可能會去好多唔同地方如馬來西亞演出，希望有更多機會去到世界各地演出。」
胡鴻鈞推出更多胡式情歌
問他歌曲領域有沒有新的想法時，Hubert續說：「其實我以往都試咗好多唔同嘅曲風，我今次嘅新歌叫《恆溫行李》，其實就係Back to basic，係比較胡式情歌嘅Style，我覺得可能歌迷都有啲掛住，因為始終好耐冇聽過，我未來可能會推出多啲情歌，都未必唔係一件好事。」
延伸內容：胡鴻鈞新歌玩「虐心」揾林千渟大大啖咬自己 隔住「芒」都feel到痛!
《東周網》訪談系列節目《星桄伴我心》4月重磅嘉賓：
即睇：倪樂琳曾因心口胎記感自卑 爆媽媽鍾意某男星
即睇：黃秋生剖白人生幾段情 愧對亡母，對花槽祭父，大仔生死劫，細仔嗲功攞錢
