發佈時間：18:10 2025-03-27
周永恆日前於天水圍一帶行人路因違規使用電動平衡車（俗稱「風火輪」）而被捕，他被警方截查期間一度情緒激動，事後被帶返天水圍警署調查；目前已獲准保釋候查，須於5月中旬向警方報到。周永恆昨日（26日）首露面公開道歉，並展示手上傷勢，他稱現在送唔到外賣直接影響生計，連原本有個電影音樂工作都因為呢件事冇咗，他坦言只想搵錢養個仔，嚟緊會繼續做歌及學剪頭髮搵錢。
周永恆違規踩「風火輪」被捕
周永恆日前因違規踩「風火輪」而被捕，被警方截查期間一度情緒激動，並高呼「我無撞到人呀」及「救命」，場面混亂。他被制服後帶返天水圍警署調查，警方以涉嫌「沒有第三者保險而使用汽車」及「在行人路上駕駛」將他拘捕，目前獲准以2千元保釋候查，須於5月16日向警方報到。
周永恆被捕後首露面公開道歉
周永恆昨日首露面並公開道歉：「我知引起咗好多新聞出嚟，講聲唔好意思，要你哋關心。」他聲稱已接受酒精呼氣及毒品測試，分別是零度及沒有濫藥，其後他再展示傷勢：「雙手損咗，個手機Mon碎咗，嚟緊我會有更多嘢同大家接觸，唔係淨係呢啲『生活瑣事』都要搞到上新聞，又令到大家擔心，多謝你哋。」
周永恆稱受傷直接影響生計
戴上Cap帽、眼鏡及身穿牛仔褸的周永恆，看起來精神麻麻，他表示被拘捕的地方正是其寓所樓下，因早前左腳韌帶撕裂，行動有點不便，再加上雙手又傷咗，直接影響生計：「𠵱家唔可以再做送外賣，原本有監製搵我搞電影音樂，但發生咗呢件事，我同監製講可以唔出我個名，但佢哋話唔合作住，連想爭取嘅工作機會都冇埋，我都係想搵啲錢養吓個仔啫。（日後有咩打算？）會繼續做歌嘅，仲打算學理髮，將來或者開間髮型店幫人剪頭髮囉。」
延伸內容：周永恆天水圍疑因「做一件事」斷正 被捕時激動嗌救命｜有片
延伸內容：娛圈「渣男」逐個數 ｜「賤男天花板」周永恆偷食女助手 向前妻發出「死亡短訊」
延伸內容：親爆與趙頌茹和小三Ruby同牀艷史 周永恆：「係男人都想㗎！」
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
