發佈時間：18:36 2025-04-01
現年36歲的松岡李那在日本廣島縣出生，2010年她毅然來港發展，並組成4人日韓女子組合Girls Kingdom出道。可惜組合很快解散，現時留在娛樂圈的，只剩下她一個。自少喜歡音樂的她，一直想當歌手，2017年出過一首歌後，因冇人投資、自己又唔夠錢冇再搞。至今年終如願出新歌，仲要係一首中文歌，為此她花一個月學廣東話、打友情牌降低成本拍MV。如果有《中年好聲音4》，或許她可以報名參加了。
21歲來港發展15年
松岡李那13歲被星探發掘入行，至2010年她毅然決定漂洋過海來港發展。最先她與另外4位成員：田代麻衣、久保杏奈、蔡恩貞及朴喜秀，合組成日韓女子組合Girls Kingdom出道，並主要以性感作招徠。不過，這個組合很快便解散，而現時留在娛樂圈的，只剩餘松岡李那一個。數一數手指，她原來已經來港15年了。
自少愛音樂想當歌手
由於樣子甜美加上曼妙的身材，松岡李那絕對是做模特兒的好材料。但原來她自少已很喜歡音樂，一直想當歌手，她坦言：「咁多年來，我都想喺香港做一個歌手，不過廣東話講得唔好，所以喺2017年出過一隻歌之後，就冇再搞，加上冇人投資，自己又唔夠錢出歌，所以𠵱家簽咗新公司，先可以如願再出新歌。」
拍MV打友情牌降低成本
除了模特兒和演員之外，松岡李那還有一個身份，便是捽碟DJ，並且經常飛到不同的地方打碟，所以她的音樂節拍感非常強勁，亦難怪她今趟再戰樂壇，推出的新歌是一首跳舞快歌。
松岡李那興奮的說：「我好期待呢首歌出世㗎，因為我真係放咗好多心機落去，成個MV嘅製作成本，如果真係要俾錢出嚟，起碼要10萬蚊，但係我只係用咗公司5位數字。今次我打咗唔少友情牌，拍咗好多老友嘅膊頭，譬如：場地係我個Friend免費提供，化妝、整頭全部都係友情價。成個團隊17個人，由朝頭早拍到夜晚，工作咗約15個鐘，不辭勞苦，都只係收咗我雞碎咁多錢，各位朋友真係對我好好，好感動！」
跟師姐龔柯允學廣東話
為了這首中文歌，松岡跟同門師姐龔柯允學習廣東話一個月，壓力甚大，她憶說：「呢首歌我用咗兩個禮拜去錄，每日錄兩小時，雖然好辛苦，但係效果出嚟我係好滿意嘅，𠵱家好緊張大家點樣去睇呢首歌。」結果其實是次要，最緊要是心願已達，或許松岡李那可以挑戰《中年好聲音4》，將唱歌的目標推上更高層次！
Profile
姓名：松岡李那
英文名：Linah Matsuoka
年齡：36歲
三圍：33C、23、34
身高：170cm
學歷：畢業於時尚商業學院
入行：13歲被星探發掘；21歲來港發展，最先以日韓女子組合Girls Kingdom出道。
藝歷：電影：《喜愛夜蒲2》、《美人魚》、《作家的謊言》等；電視劇：真人版《櫻桃小丸子》飾演野口笑子等。
《東周網》訪談系列節目《星桄伴我心》重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
即睇：倪樂琳曾因心口胎記感自卑 爆媽媽鍾意某男星
