更新時間：15:57 2025-02-13
發佈時間：15:57 2025-02-13
發佈時間：15:57 2025-02-13
鄧小巧日前出席活動時，分享用藝術滋養心靈，還跟現場Fans齊齊Art Jam，大會為答謝鄧小巧，送出兩張英國搖滾樂隊ColdPlay的門票給她，令現場Fans羨慕不已。而鄧小巧當然好識做，即拿出自家製「藝術品」予樂迷抽獎。談到元宵佳節點慶祝時，她笑言外籍老公是「老粗」不懂浪漫，不過有次為她冒着大雨去寄速遞，諗番都幾Sweet！
老公最叻打爛嘢
鄧小巧即場分享親自創作的畫作和陶瓷花樽，以及心靈治癒的經驗，之後更拿出自家製「藝術品」予樂迷抽獎，並說：「𠵱家屋企係『杯滿為患』嘅狀態，因為我唔捨得掉嘢，但自己未『財富自由』到有間房可以擺啲手工藝品，好多初期嘅作品越擺越多，所以有時會送畀Fans回饋佢哋對我嘅支持。」問老公會跟他一齊整藝術品嗎？她笑言：「未必會喇，但佢最大功能就係有時同我打爛隻杯、洗爛啲碗，不過咁舊嘅唔去、新嘅唔嚟，咁先可以騰出空間嚟！」
冒雨寄速遞好Sweet
由於活動舉行期間，正席元宵佳節和情人節前夕，但鄧小巧卻表明不會與老公慶祝，她解釋：「老公唔知道元宵佳節係咩嚟，而我又好怕熱鬧，所以最多都係喺屋企過囉，我真係好『宅』㗎！」她指結婚3年感覺已像老夫老妻，問老公會給她驚喜嗎？她即笑言：「你睇佢似唔似會？佢係老粗嚟，但佢試過冒着大雨幫我去寄速遞，咁都好Sweet嘅，我覺得好過送花囉！」說罷笑得甜絲絲的，已足夠了。
延伸內容：情人節出歌祝福前度 鄧小巧：「我唔鍾意過情人節。」
延伸內容：陀B後首現身節目 鄧小巧話有仔趁嫩生
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
最Hit
