發佈時間：19:15 2025-02-13
犯太歲的人士大多會去沙田車公廟攝太歲，祈求來年運程有所好轉。但有女善信發帖指，日前前往攝太歲時，遭廟內職員兩次誤導，以致購買了最昂貴的拜神香及太歲包，質疑「咁樣呃啲善信嘅錢好咩」。其遭遇隨即引發不少網民共鳴，紛紛分享同類經歷。
該名女善信在社交平台Threads發文指，她上周六（8日）與男友去沙田車公廟攝太歲，「作為一個沙田友，年年都會去車公廟拜神」。兩人到門口時，看到「個攤檔有張紙寫住，拜神嘅香有2種，分別係$60同$90」，便打算買一份$60的拜神香共用，「點知個staff講：攝太歲要入大殿，但$60嗰啲香入唔到大殿架，要$90嗰啲先得」。
樓主聞言便花了$180買了兩份$90的拜神香，結果進入大殿後才發現職員說法誤導，原來「只要拎住3枝（支）香，就可以入大殿拜神，根本冇分咩$60定$90，更加冇分咩一人要拎一份」。
樓主指無得揀﹕直接叫我買最貴嗰個
兩人隨後又向廟方購買太歲包攝太歲，樓主指職員「話個太歲包一口價$278」，於是她用「payme畀錢，佢（指職員）睇住我過咗$278，就幫我攝」。但離開後，她發現因網絡接收不佳，剛才「payme條數過唔到」，她便讓家人在本周一（10日）到車公廟補交$278。家人付款時才發現，「原來個太歲包有分3種，分別係：$90、$168同$278」。樓主強調「我買嗰陣時啲staff冇同我講過，有3個價位嘅套餐可以揀，而係直接叫我買最貴嗰個」。她直斥廟內部分職員「真係勁唔老實」，「咁樣呃啲善信嘅錢好咩？」
有網民引述投訴後廟方回應：已要求加強職員培訓
其經歷引發其他網民熱議，有人分享相同遭遇，指「之前我忍唔住寫過電郵去華人廟宇委員會，投訴同一樣嘢」，並將對方的書面回覆截圖公開。委員會指，「已要求司祝必須加強售賣處職員的培訓，並指示售賣處職員了解善信的祈福需要後，再介紹相應的寶燭種類及組合供善信選購。至於廟內財神殿的福袋物件，亦已叮囑司祝必須留意其品質」。
網民：今年成個過程感覺好差
有網民則留言稱：「終於有人寫出來……今年成個過程感覺好差，拜咗幾年車公，啲香越嚟越貴，唔緊要嘅，我當一年一次添吓香油錢，門口已經買咗舊幾水香，入到去攝個太歲，一來又係開我2百幾蚊個價，原本要幫我老公攝埋，咁咪成5舊幾水？」
有人亦指：「佢（指職員）尋（噚）日同我講攝太歲$388嘅……連價位都冇講，因為我印象中唔使$388，最後冇畀度錢，拜完就算……」
沙田車公廟年度盈餘1千5百餘萬
沙田車公廟由「華人廟宇委員會」負責管理，該委員會是根據香港法例第153章《華人廟宇條例》，於1928年成立的法定機構，轄下管理的廟宇共24間，委員會主席為民政及青年事務局局長。委員會直轄廟宇的收支報告顯示，截至2023年3月31日年度，沙田車公廟年度總收入約1千7百餘萬元，扣除支出後，年度盈餘約1千5百餘萬元，位列各直轄廟宇之首。
