如果問一些年紀比較大的人，香港最困難的歲月除了二次大戰被日本佔領的三年零八個月之外，就是每四日供水四小時。老實說，香港在那時候沒有出現暴動已經是奇蹟，只是出現了一個口號—樓下閂水喉。
當時我在澳門讀小學，我問長輩澳門只得一個水塘，又沒有水庫，點解不用制水，長輩話因為澳門食正條水，澳門離珠江口不遠，當珠江水漲，澳門政府便會派船去吸水，不過一定要在天色晴朗的時候去吸，主要是可以睇清楚珠江口鹹淡水交界，如果吸咗鹹水大家都知道發生甚麼事。不過，即使吸淡水，當時澳門的自來水仍然有多少鹹味，現在港澳的水源都沒有問題，香港有東江之水越山來，澳門有珠江水無限量供應，不過，都係要畀錢。
有一段時間我經常都要去新加坡，與當地高級行政人員或者官員相當熟。新加坡人有一個習慣，就是喜歡批評其他國家的政策，自己的就隻字不提，他們話香港做得很差，經常出現示威活動，新加坡就唔同，想搵一次示威都很難，證明大家都支持政府。其實，香港點解咁多示威，我唔想在這個話題發表意見。
我做生意，當然唔會講新加坡政府壞話，我問新加坡友人，點解新加坡做得咁好，人人都安居樂業。有人話，金融事業做得好，我覺得係講笑， 股票市場成交金額只得香港5%，又點算做得好？有人話半導體做得好，老實說，連台積電尾燈都睇唔到，至於煉油、博彩業，他們都唔好意思講出口。
其實，大家都心知肚明，新加坡是食正馬六甲海峽條水，每日最少有一百二十艘遠洋輪船停泊新加坡，而所衍生的服務費用，令新加坡收入不菲，有人話佔新加坡一半GDP，我相信冇咁多，但仍然是一個驚人數字，如果那些𧗠生收入減少三成，對新加坡國民收入影響很大，新加坡人是知道自己食正條水，所以唔會講出嚟，無謂引入競爭對手。
今年十一月十九日，黃循財在一個公開論壇要求中國忘記日本侵略，與日本合作發展，並且話亞洲各國早已拋開這段歷史，黃循財講完之後都神隱，仲話二○二六年才同新加坡市民見面。本來黃循財放假是沒有問題， 但在十二月十八日，中國宣布海南封關，其實封關即是開關，影響最大的是新加坡，一艘船由印尼、馬來西亞，或者更遠地方去中國，經海南省洋浦港，唔經新加坡，航程與費用都可以慳一半，捐耗大幅減少，如果貨物在海南加工， 只要費用達成本價三成，可以免稅進入國內，如果在海南省銷售則免稅，這個政策對全世界都有利，只是不利新加坡。
大家唔好以為新加坡政府唔知道，在九月三日，中國大閱兵，新加坡只是派了一個副總理去應酬，黃循財飛去印度，要求莫迪參與管理馬六甲海峽，莫迪梗係唔制，今日在馬六甲海峽搞中國，明日中國在印度洋搞自己， 黃循財無功而回。最不明白黃循財點解唔同中國搞好關係，合作共贏，而在研討會上教中國做嘢，海南突然封關，估計與黃循財的發言有關，沒有馬六甲海峽條水，新加坡都很難做到以往咁好成績。
