有老友睇中一個舖位做飲食生意，不過，舖位是有租客，但物業代理同佢講，有租客都冇問題，現在的業主都是棄舊迎新，唔係咁鍾意同舊租客續租，反而喜歡租畀新租客，話老友唔信可以一試，結果業主竟然租俾佢，租金比舊租約仲平了兩成，老友話唔明白箇中原因。
老友唔明白絕對不出奇，不少舊租客在過去三年疫情，孭了一身債，雖然政府話百分百擔保，但並不代表不用還，租客一日做生意，一日就要清還，以五百萬貸款為例，如果分三年清還，每個月要付大約十五萬本金同利息，試問一間食肆一個月即使有錢賺，但又點可以賺到十五萬？所以，經營舊食肆的老闆是十分困難，欠租更加不再話下，不少業主寧願將舖位租畀新租客，租金平多少也沒有問題，因為業主知道，舊租客做唔掂，新租客做得掂。
本來沉沒成本冇可能會咁多，在疫情期間，不少食肆每個月都蝕很多錢，但政府推出百分百擔保貸款，不少食肆可以繼續生存下去。但係日積月累的虧損，就變成沉沒成本，食肆執笠是最徹底解決做法，這亦是很多人不明白，疫情過了，反而有更多食肆執笠。經濟雖然並不太好，但來港的優才專才學生多了，人口亦增加，IPO多了，股市上升，連賽馬投注亦破紀錄，反而有更多食肆執笠，這就是沉沒成本所致。如果政府沒有推出中小企百分百擔保貸款計劃，不少食肆以及零售生意就會在疲情期間執笠，老闆如果能夠保存實力，疫情後就會重開，傳媒會用欣欣向榮來形容市況。現在當然不是，不過亦不用擔心，現在只是替換期，舊的不去，新的不來，陸陸續續有新的舖頭開張，一年之後又唔同講法，就算可以大步檻過，但點都要了解政府的中小企百分百貸款擔保計劃，造成使用人沉沒成本上升，幾乎令到香港沉沒。
唔講大家都未必知道，特朗普是解決沉沒成本的高手，解決沉沒成本最徹底辦法就是破產。特朗普曾經六次破產，仲唔係解決沉沒成本高手，而美國的沉沒成本實在太重，主要是三十七萬億國債，而美國又唔可以破產，所以，就算特朗普是第一高手，都要另想辦法，增加收入是辦法之一，所以特朗普推出關稅，移民金卡等，即使增加收入，但唔節省開支，效果是不會顯著，所以，特朗普要遣返移民，降低基層市民福利，減收所得稅令到富豪不會離開美國。不過萬事俱備，只欠東風，鮑威爾唔減息，特朗普做甚麼都冇用，所以，估計鮑威爾很快就會減息或者離職，特朗普已經心急到不得了，再唔減息，由國債利息變成的沉沒成本最終會令美國沉沒。
