有區議員參加《香港小姐》選舉，最後被勸退，不過，當事人當然唔會承認被勸退，而是話自己自動退出。有老友話，區議員點解咁蠢， 做區議員又點可以做《香港小姐》，唔係唔可以做，如果選到《香港小姐》才做區議員，相信不但不會被人勸退，而且作為重點宣傳， 由此可見， 《香港小姐》與區議員是可以並全，不過就要注意先後，區議員當然唔可以選《香港小姐》，連些少政治智慧都冇，區議員很難做得好。
唔講大家未必知道，在我初出道時，經常同豬朋去飲酒，一定有豬朋話，幾個男人飲齋酒，真係好悶，不如搵幾個小姐一齊飲，唔會有人反對，不過，在那些小姐來到之後，發覺水準很參差，一定有一些靚女，但烏鴉亦不少，在道義上不能留低靚女，叫烏鴉先走，最後全部要遣散，不過走還走，一樣要畀小費，豪哥知道一定會唱，剛到的小姐被退了，九千蚊白花了。
又隔了一段時間，大家始終發覺，幾個男人飲齋酒真係好悶， 有狗友話可以邀請幾個《香港小姐》朋友參加酒局，聽到《香港小姐》，大家立刻醒神，不過大家了解一下才知， 她們只是曾經參選《香港小姐》，即是考生同狀元分別，不過亦沒有問題，大家只是傾下閒計。
《香港小姐》不但對男士有吸引力，對女士亦有吸引力，每年的《香港小姐》選舉，全世界不少城市都舉行預賽，雖然未能做到，有華人的城市就有《香港小姐》預賽，但對於那些舉辦預賽的城市亦是一件盛事。由此可見，《香港小姐》的軟實力的確非凡，現在《香港小姐》的質素越來越高，對於我們來說，已經是可望而不可即，不如返屋企睇電視好過。話時話，我起碼有超過二十年冇睇《香港小姐》選舉，不過一雞死，一雞鳴， 有另一個節目代替《香港小姐》。
有老友叫我入新界食飯，我話山長水遠唔去，老友話中二冠軍的老竇請食飯， 有歌聽， 譚老闆我認識，於是入新界食飯，去到之後有一隊樂隊以及和音等緊我們，譚老闆話今晚冇歌星，每個客人都是歌星，一定要落場唱歌，我從未試過由五人大樂隊及和音伴唱，又幾好玩，正當我唱歌的時候，有手機響起，其中一個客人話老婆急call，要立刻走，非常欷歔，於是我唱鐘聲響起歸家的訊號，在這生命裏，彷彿帶點欷歔。幾個月之後，黃博攞中三冠軍，中四立即接受報名，我相信《中年好聲音》完全可以代替《香港小姐》，甚至有過之而無不及，將會有不少城市為中年好聲音做預賽，而事實上《香港小姐》與《中年好聲音》都是香港軟實力，千祈唔好浪費。
真係唔知點解，不少香港人睇小香港，認為香港已經冇前途，不但大幅輸畀新加坡，甚至連台灣都比不上。其實，香港除了金融、地產、醫療、教育等硬實力之外，仲有一些好似《香港小姐》、《中年好聲音》等軟實力，不宜妄自菲薄，現在經濟不大好，可視為小小苦楚，等於激勵，香港很快可以再出發。
