「新質生產力」成為今年全國兩會關鍵詞，不單首次被寫入《政府工作報告》，更被列為十大工作任務之首，強調以創新技術提升生產力，開拓新興產業之餘，同時推動傳統產業高端化、智能化、綠色化轉型。覆銅面板龍頭建滔系上月公布全年業績，建滔集團（0148）執行董事張家成（Eric）同我解構業績之前，當然要傾吓呢場轉型戰。

建滔集團主席張國榮（中）及執行董事張家成（右）。

建滔作為傳統工業，旗下產業鏈覆蓋化工、覆銅面板（Laminates）和印刷線路板（PCB），各板塊無能源不能，業務性質本應與環保背道而馳。不過集團早年已洞悉減碳趨勢，陸續於工業園區建設太陽能光伏發電站，實現節能減排，減低電煤消耗。建滔集團主席張國榮（Paul）亦提到，有見於去年太陽能板單價回落，公司順勢趁低吸納，截至去年底累計投資約四點八億元（港元，下同），促使電費開支節省九千萬元，同時減少約六萬噸碳排放，既環保又慳錢。

二○二三年，建滔集團營業額按年跌兩成至三百九十七億元（港元，下同）；帳面純利二十點六億元，按年降四成四。跌幅部分源於撥備減值，若扣除碧桂園信貸虧損以及未出售住宅物業減值，集團基本純利超過二十二億元。

行業周期總有起有落，疫情期間市場大舉投資覆銅面板，隨後出現地緣政治及全球高通脹等因素，呢兩年電子消費市場明顯回軟，以致業內產能過剩。Eric指出，部分競爭對手大幅劈價求售，蝕本都照賣板，不過建滔堅持保本，市況疲弱下，全年合共銷售覆銅面板一億張，按年仍增長百分之三；而上游物料需求持續，如玻璃布、玻璃絲及銅箔等，帶動集團上年依然有賺無蝕，市佔率繼續穩坐全球首位，達百分之十五。

面對行業景氣低迷，建滔着力節能節流，其中電費為主要營運開支，早前管理層向華潤電力（0836）洽商統一買電，統購超過三億元，便可享一成電費優惠，合約為期一年。建滔年均電費約三十多億元，意味將可慳到三億元。財務方面，集團保持健康水平，流動資產淨值約二百五十二億元，連中期息每股十六仙及中期特別息五十仙，全年分派一百零二仙，息率六厘。

至於業績展望，隨庫存持續消耗，集團預計覆銅面板原材料價格基本已見底，今年毛利率有望提升；而印刷線路板部門目前訂單穩健，其中三成來自新能源汽車客戶。據研究機構EVTank，上年全球新能源汽車銷量按年升三成五至約一千五百萬輛，其中中國佔近六成五，連續九年位居榜首，增長勢頭持續下，作為上游的建滔將能直接受惠。

Paul兄想當年喺蓮塘開第一間覆銅面板廠，過咗關就踩單車返廠，幾年後至買部麵包車代步，後來當然有轎車同司機，到今日電動車成為集團大客。呢段「旅程」見到建滔嘅發展，同時亦反映中國逐漸富裕，又回歸低碳簡約嘅大道。