香港樓市有一些摸王，不是魔王，將樓市舞高弄低，最後令政府不得不將摸王封印，封條不是中文，叫SSD，一般人叫額外印花稅，其實，真正的名字叫賣家印花稅，即是任何人買入住宅單位，在兩年內不得出售，否則就要付額外印花稅。這招非常有效，但在各項辣招印花稅當中，SSD的收入最少，代表SSD可以壓抑摸王，令到他們不敢短炒，現在撤了SSD，有人擔心摸王會重出江湖，掀起一片炒風，我唔敢講唔會，但樓市有適量炒賣是正常的，反而有利樓市長遠發展。

有人奇怪，點解會係摸王，而不是魔王，究竟摸王是甚麼意思？是否即是抽吓水，摸吓個物業就可以賺錢？概念上的確冇錯，摸王其實是英文，叫Confirmor，確認人，但源自中國唐代，叫留後。當時行節度使制，那些節度使如果要返長安述職，一定要確認一個人暫代節度使，就算是朝廷都不能改變。其實，這個制度是唔錯，但後來就亂了，甚至令唐朝滅亡，出現五代十國，而亂的原因就是暫代節度使的人不願意交回職權，甚至上疏朝廷將原有節度使流放，自封節度使，唐代可以說成也節度使、敗也節度使，如果沒有節度使，長安政府根本唔可以有效地管理咁大國家，但最後令國家分裂。

香港地產做得咁成功就是無論是買家賣家都尊重確認人，雖然確認人唔係正式業主，但在法律上亦有效力，與確認人簽署一份買賣合約，原則上與業主簽定的一模一樣，有了這個制度，樓宇買賣交易可以快速進行，結果令到樓價急速上升，最後政府要出招打壓，除了SSD之外，仲有BSD等，令到樓市成交量大幅減少。不過，在供應不足之下，樓價並沒有大幅調整，直至疫情後期，香港經濟轉壞，樓價才正式下跌，但亦只不過比高峰時下跌了百分之二十四，所以政府今次撤辣，大家都唔會諗到連SSD都撤埋。不過，撤銷SSD在短期內可以令樓價回升，對樓市利大於弊，但會不會掀起炒風，這是時間問題。

在撤銷SSD之前，不少人以低價買入一些物業，但即使有錢賺都唔可以賣走，因為要交百分之十五至二十印花稅，但撤銷SSD之後，那些買家就可以將低價買入的物業出售，即使他們只是簽了買賣合約，而非正式業主，他們可以用確認人的身份將物業出售。雖然大多數交易都會有利潤，但難保有一些買家在買入物業之後才發覺自己負擔不起，如果有SSD，他們就不能將物業轉售，逼於無奈要撻訂，對樓市有負面影響。但撤銷SSD之後，他們就可以將物業轉售，不但不用損失所有訂金，甚至會有利潤，而轉售價才是真正的市價。不過，凡事有利有弊，SSD最後都會掀起炒風，政府就要見機行事，必要時可以重推SSD，其他辣招則可免則免。