美國歌壇天后Taylor Swift去新加坡開東南亞獨家演唱會，有傳媒話香港又輸一仗。不過，Taylor Swift是乜水很多人都唔知，嚟唔嚟都沒有分別，但很多人都唔明白，點解Taylor要去新加坡做獨家，而非在東南亞巡迴演唱，由此可見，Taylor在東南亞叫座力，並不是好似在美國那麼強勁，Taylor演唱會是否可以提升新加坡經濟就有待證實，不過，新加坡經濟已經好到不得了，根本不用靠Taylor演唱會提升。
如果唔係泰國總理賽塔．他威信爆料，唔知道新加坡補貼每場二百至三百萬美元，來換取東南亞獨家主辦權，否則佢都會做，認為有利泰國。不過總理應該知道，即使泰國願意補貼更多，都未必可以攞到東南亞獨家主辦權，甚至有機會觸犯反傾銷法，總理毋須要以身試法。
新加坡政府亦有此憂慮，所以從不公開說新加坡補貼Taylor演唱會，就是避免有其他國家提控觸犯反傾銷法，所以才會出現泰總理爆料，而反傾銷法雖然未必完全適用於今次事件，但在精神上新加坡已觸犯反傾銷法，由國家補貼而令到商品低於市場價格，而爭取到市場佔有率就是觸犯了反傾銷法。今次新加坡仲變本加厲，除了價格之外，仲要求獨家主辦權，可以說是罪加一等。好彩Taylor Swift唔紅，大家都唔會爭，獨家主辦權不知是禍是福，但最不明白，以新加坡今時今日地位，根本不用爭取獨家主辦權，就算Taylor會嚟香港，相信大多數人都會選擇去新加坡而非在香港睇，點解新加坡政府要使埋那些無謂錢，除非新加坡政府擔心，到香港睇Taylor多過新加坡很多，所以才要爭取獨家主辦權。
有老友話道聽塗說，美斯在香港唔出場是因為日本方面有補貼，在賽前已經知道，美斯在香港爆場，入場人數有三萬八千人，日本到最後一個能夠坐六萬八千人場館，只有二萬八千人，豈不是很冇面？所以，日本極之希望美斯在香港不出場，那些打算睇美斯的王者球迷就要飛去日本，老友問日本是否觸犯反傾銷法，我認為如果由日本政府補貼，的確有機會觸犯反傾銷法，但日本政府唔會咁蠢，只會由主辦機構或者贊助商補貼，雖然沒有觸犯反傾銷法，不過就唔講武德，當中包括美斯，到最後損失最大的仍然是美斯。
