發佈時間：14:24 2025-07-02
男團MIRROR的「人氣王」姜濤，上周二（24日）突然在西區墮海，並一度在海中淹浸近10分鐘，生死一線之間；幸好，經過的船成功將他拯救。送院治療後，他火速在IG限時動態表示無礙。翌日，他亦回復精靈，如常出席公開活動，還解釋是因「食咗止痛藥，飲咗少少酒」，兼坐在海邊欄杆外看夕陽時，不慎跣落水。
不過，外間對姜濤墮海一事眾說紛紜，日前《東周刊》記者走訪事發現場，找到目擊人士還原真相；更找來醫生分析吃止痛藥送酒會有甚麽不良效果？
《東張西望》即到事發現場
上周二（24日），今年26歲的「人氣王」姜濤，在西區副食品市場附近意外墮海，並一度在海中淹浸近10分鐘，好彩有船駛過，更成功將他拯救。而獲得營救後，倒卧在船上的姜濤，由頭到腳都濕透、臉色灰白、神色恍惚；接着，他被救護車送往瑪麗醫院，再轉往私家醫院治療。事後，MIRROR的經理人黃慧君（花姐），在社交平台報平安。跟着，姜濤又在IG限時動態上載自己豎起拇指的相片：「大家不用擔心，明天見！」
這件事令全城譁然，還對姜濤墮海的因由，謠言四起。本刊記者專誠到現場採訪，當日有幾位目擊的街坊憶說︰「佢係明星嚟，佢企喺度，咪人人都過去搵佢影相。佢爬出去（欄杆），唔想同人哋影相。佢踎喺度坐，但起身時候，個籮柚會撞到上面嘅網，繼而彈咗落去（大海）。」另外，從《東張西望》播出由觀眾提供的片段中，可見姜濤在碼頭下浮沉，在現場有人嗌help，跟着有在場人士向他拋下水泡，及後又有船隻駛近，將他救起。
姜濤翌日如期復工
休息一晚後，姜濤於翌日的下午便如期復工，在隊友盧瀚霆 、呂爵安及李駿傑陪同下，出席《呂濤米Lo Seoul》旅友旅途分享會。現場所見，姜濤已回復狀態，精神爽利，還親自向粉絲報平安：「I'm fine, OK!」接着，全場觀眾高聲歡呼。活動後，他便出發去機場，準備飛往巴黎出席時裝周。
當姜濤的座駕抵達機場時，大批在守候的「姜糖」不停大叫：「I Love You! 姜濤加油！姜濤加油！」下車後，他先向傳媒打招呼，再企定定影相，然後大方接受訪問。問及身體狀況？他說：「醫生check過，一切都冇事，安好，係醫生批准咗我，我覺得身體冇大礙，所以今日如常工作。手部有少少受傷，公司建議休息，但係出面有好多謠言同猜測，所以我出嚟話俾大家知，我係冇事，我嘅意願都係想出嚟做嘢。」
對鏡自拍 見20條傷疤
至於出事因由，姜濤回帶說︰「噚日係意外，天氣好好，跑步嗰陣想坐喺海邊，睇下夕陽，而且又有少少唔舒服，咪喺欄桿放鬆吓，點知做咗個唔好嘅示範，跨咗桿杆出邊，我見平時都有人會喺欄杆出面釣吓魚，點知起身返去有少少暈，跣咗一下，係好意外嘅事，係第一次，亦都係最後一次，希望大家唔好學。不過我跌落水先知：『嘩，咩事呀？』」
再被問到情緒是否出現問題？姜濤續說：「冇呀，我諗係大家太擔心，我係有少少頭痛，食咗止痛藥，飲咗少少酒。我冇借酒消愁，平時少飲酒，最多係打吓波。我本身識游水，但好耐冇游。冇遇到呢個情況。」最後，他稱父母有嚇親，亦已向兩老解釋，跟着雙手合十致謝便離開。不久，姜濤又更新IG限時動態，他對鏡自拍，狀甚輕鬆，又以「酷酷的手臂」來形容有多條細長傷痕的兩臂，加起來超過20條傷疤，部分已經結焦。
醫生解說 止痛藥加酒會點
縱使姜濤已澄清出事經過，但仍有不少人質疑，盧覓雪在商台節目上表示︰「強調自己情緒冇問題，如果係咁話，智商應該有啲問題，家陣成7點先日落，4點咁早去。」而上周五（27日），抵達巴黎的姜濤，戴着漁夫帽，身穿黑色T-Shirt和長褲，在當地的一間珠寶店內，被網民「野生捕獲」；不過，他留了一會，便匆匆離去，再趕下一程。看來，姜濤的身體和心情皆沒有大礙。
就服用止痛藥，同時飲酒，會產生甚麼效果？西醫張傑解說︰「一般普通嘅消炎止痛藥，會易傷胃，而強勁嘅止痛藥，如嗎啡，有機會影響中樞神經，輕則會影響精神意志、嚴重會半昏迷、最嚴重甚至會透唔到氣。其實若服食止痛藥，一定不能飲酒，一千萬個唔應該！因為唔知會導致甚麼化學作用？若有暈陀陀現象，當時在揸車，會對自己及其他人處於危險嘅情況。」今年2月初成為「P牌仔」的姜濤，謹記醫生的勸告喇！
延伸內容：姜濤墮海後兩度表示「I'm fine~」自拍展示「酷酷的手臂」傷痕累累
延伸內容：姜濤意外墮海後首曝光分享會 向粉絲報平安 冧爆稱盡力讓大家過美好夜晚
延伸內容：姜濤墮海｜姜濤按原定計劃出席《呂濤米Lo Seoul》分享會 乘七人車到場
延伸內容 : 姜濤親述墮海經過純屬意外 承認曾服藥飲酒 ：跌落水先知出事 否認借酒消愁
《東周網》訪談系列節目《星桄伴我心》6月重磅嘉賓：
即睇：75歲翁倩玉爆初戀情人秦沛畫卡通追求 隨緣孤身走情路 紅着眼憶重病父 為見愛妻堅持站起來
即睇：「蝦頭」楊詩敏父母離婚有陰影 愛情受重傷 細訴同火火轟烈戀情
