年《施政報告》推三招為樓市減辣，包括縮短額外印花稅至兩年；買家印花稅和新住宅印花稅則減半至百分之七點五；另將專才置業稅改為「先免後徵」，帶動一手市場氣氛稍有改善，豪宅交投亦轉好。睇返一手住宅物業銷售資訊，上月一手市場共錄約五百五十宗成交，其中樓價五千萬元（港元，下同）以上大額成交佔十七宗，創近半年高位。

信和置業執行董事田兆源（右）。

辣稅放寬後，專才入市意欲明顯加強，房屋局早前提及，「先免後徵」政策推出不足兩個月，已錄約二百三十宗申請，我相信對樓市交投有一定助力。而高才通計劃下，申請人子女可入讀香港官津及直資學校，學費更可獲政府津貼，故此唔少高才家庭入市時都會瞄準傳統校網。

其中中西區、灣仔、何文田及九龍城堪稱「四大名校網」，成為唔少家長必爭之地。以何文田34校網為例，男拔、喇沙、培正和瑪利諾等名校雲集於此，唔少傳統老牌屋苑坐落呢區，不乏「孟母三遷」嘅家庭客追捧。

講到何文田，自然聯想到嘉道理家族。上世紀三十年代，當時為香港首富嘅嘉道理於區內購入佔地一百三十萬平方呎嘅地皮（現為加多利山），銳意將荒山地段打造成一座花園城市，並在數十年間展開一系列綠化工程。直至八十年代中，過百幢洋房物業坐落於山上，加上樹木成蔭、環境幽靜，逐漸發展為政商富豪聚居之地。

時至今日，加多利山洋房群經歷多代承傳，成為顯赫豪宅地段嘅代名詞，而為保持低密度風貌，大部分洋房只租不賣，新盤供應罕有。近年信和置業（0083）夥拍嘉道理掌舵嘅中電集團，喺加多利山合作發展豪宅項目ST. GEORGE'S MANSIONS。原址幾十年前為兩座中電高層府邸，同樣名為「St. George's Mansions」，發展商特意沿用同一名字，象徵傳承歷史，同時配合區內悠久歷史氛圍。

早前獲集團邀請參觀項目，目前已屆現樓，共設三座住宅公寓，樓高二十層，為加多利山最高建築物，可飽覽翠綠山景，遠望九龍半島山脊線。項目喺裝修設計上亦顯心思，由紐約建築大師Robert A. M. Stern Architects團隊操刀，單位整體設計採用米色作主調，滲透典雅氛圍；而所有單位都附設私人電梯大堂，私隱度十足。

會所連園林佔地逾二萬三千平方呎，設有健身室、瑜伽室、桑拿同蒸汽浴室等，我見仲有戶外恒溫游泳池，一年四季都可以游水。而兒童遊樂室以樹林為設計概念，內設滑梯及遊樂裝置。

項目合共提供一百七十五伙，主打兩房至四房大單位。今月初以八千八百萬元售出一個四房單位，至今累售四十一伙，已套現逾四十六億元。人才入境計劃帶動下，豪宅市場有望企穩並逐步回升，呢個盤擁有地利兼享政策時機，應可直接受惠。