「草菇同牛肉分開處理。首先，清洗草菇，將草菇一點點黑色嘅漬捽走，洗乾淨之後索乾水，切開一半，用水烚熟佢備用（如果有薑，烚草菇嘅時候落兩片，可去掉草菇嘅草青味）；牛肉切片（如果買成塊牛肉，切片嘅時候橫紋直切），落好少生抽、好少生粉、好少好少糖，搓勻佢，醃五分鐘。
「開始炒，燒熱個鑊，落牛油及即刻落牛肉，不能慢，因牛油容易燶，當牛肉炒到三成熟，落埋草菇，兜勻佢，最後加少少蠔油同幾滴麻油，再兜勻佢，搞掂！小心過鹹，所以唔好落咁多生抽同埋蠔油，記住落少少糖。如果有酒，譬如紹興酒或者威士忌，落蠔油之前落少少。」
兒子身在外國留學，問草菇炒牛肉的技法，急忙將詳細步驟傳送過去。我知道他並非忽然來的興致，因為他從小已經愛吃這道菜。多年前一天，他叫我整草菇炒牛肉，還特別交帶要「auntie的味道」！「Auntie」是幫我家十年的家務助理黃太，我兒幾個月大開始便得到她幫忙照顧，我們一家都待她如親人，小兒由小到今天都叫她auntie。
我當然懂得草菇炒牛肉，但兒子想吃「auntie的味道」，於是打電話向黃太取經，然後如法炮製，結果他吃了大半碟。自此，他回港的日子，我不時做這道小菜。想不到人在海外，也想回味至愛的菜式，於是索性自己做。他離港升學前跟大廚李文基學過兩二下功夫，我講解得如此清楚，他應該輕易做到。
「掂！」翌日，他匯報結果，然後傳上照片（圖）。驟眼看，果然「掂」，但總覺得有點不對勁，把照片放大看清楚，根本不是草菇，而是蘑菇，而且用的是肥牛片。
原來他找不到新鮮草菇，唯有搵蘑菇代替，而買片裝肥牛肉，又實在方便過買牛柳或西冷回宿舍用鈍的刀切片。草菇與蘑菇口味不同，但又有乜所謂呢！一個「掂」字，便是好滋味，也是一回賞心樂事。日後遇上草菇時，可以再做嘛。
最Hit
