大家好，今日我想分享吓揀「荷蘭豆」嘅心得⋯⋯喂呀，唔好走住，小妹唔係轉寫飲食專欄，係講點揀「翡翠」荷蘭豆之嘛，返嚟睇落去啦！
先說翠雕「荷蘭豆」極之受愛翡翠的人歡迎，理由？集諸多吉意於一身嘛。豆筴中有籽，清晰寓意有「子」，恨要baby，快啲戴返一件。
另外豆籽脹卜卜，最想甚麼似她？梗係個荷包啦！所以翡翠荷蘭豆又象徵「有金又有銀」。覺得講「錢」太俗，這積得脹脹的也代表了「福氣」，福氣滿滿，唔嫌棄喇啩？
翡翠荷蘭豆身懷全方位的祝福吉兆，自然成了愛玉者的必藏對象、玉匠的常用題材。
可能是司空見慣，不少人以為翡翠荷蘭豆件件大同小異，沒甚麼值得賞研。然而翡翠雕刻是一門藝術，「美」或「不美」有一套準則，雕琢荷蘭豆哪會例外？
一件「美」的翠雕荷蘭豆，形要修長，筆挺中略見微彎，予人清脆結實的觀感為最上品。賞了形神大概，也不能放過細節。曉得仔細觀察，會發現有些翡翠荷蘭豆是沒有雕刻到頂端的「枝蒂」。
不雕刻「枝蒂」的翡翠荷蘭豆，少了一份生氣之餘，亦影響了形態的優美。再者有枝有蒂，也是「枝蔓延綿」（有「人丁興旺」的祝福）的隱喻，缺了始終有憾。
玉匠解釋沒有雕上「枝蒂」，十之八九是受到原料尺寸掣肘，實在無可奈何。先天所限，只好後天補救，這時候可以借金工師傅的高超手藝，在鑲嵌時以飾金鑄造「枝蒂」，未嘗不是一個彌補方法。
據蔬菜專家教路，買荷蘭豆要選豆籽扁身，別揀飽脹。因為後者代表養份已被豆籽吸收，食用時味道不及扁平。但我們選翡翠荷蘭豆不是為了「食」，所以一定要選豆籽雕得圓卜飽滿的！這裏有一個最要注意、也是大多數人不懂注意的地方，就是「圓卜飽滿」不單是要求翠雕的正面，背面亦一樣需要。
這種前後渾身立體的雕法，除了體現了翡翠以「圓滿」為貴的精神外，也讓翡翠荷蘭豆多帶一份祖上（前）與後代（背）間「福報傳承」的美好祝願。熟悉翠雕箇中精蘊的人，收藏翡翠荷蘭豆指定要雙面飽滿，係有理由嘅。
可惜吖，要雕刻整件飽圓的荷蘭豆，原料要有足夠厚度外，也講究玉匠技藝，在各種今非昔比的條件下，現在坊間的翡翠荷蘭豆，多是正面脹卜，背部平滑。如此遇到質色俱好、又是雙面豐圓的翡翠荷蘭豆，我不說，你也知要出手吧。
有說，翡翠雕刻的荷蘭豆，外形更接近蜜糖豆，怎麼一直叫她「荷蘭豆」呢？
其實呢⋯⋯翡翠行內有很多事「俗成」了，無從稽考，難溯因由。況且，有啲嘢唔使執着個「名」嘅，叫「翡翠荷蘭豆」定「翡翠蜜糖豆」又有乜緊要？佢質色好、外形靚、意頭旺，戴得你好運連連，就係正「豆」啦！
翡翠荷蘭豆看似千篇一律，但懂欣賞就知工藝藏在細節中。
