發佈時間：20:21 2023-11-11
在周秀娜、黃宗澤及黃浩然主演的《叠影狙擊》，近日成為無綫熱播的台慶劇，在劇中飾演黃浩然秘書的，是多年未有拍劇的藝人關伊彤，早前她因「中年好升Cup」而廣受網民熱議！因做足40年「長平公主」的關伊彤，兩個月前鼓起勇氣，接受豐胸填充療程，注射透明質酸豐胸針，伴她40年的32AA「咪咪」升Cup，升至32C，平地變高樓，效果自然，吸睛度爆燈，令不少網民大呼神奇！
過慣「平」淡日子的關伊彤，身材突變，不單視覺不同，就連觸感，都是前所未有，關伊彤接受東周Ladies訪問，哈哈大笑的直言：「我成日都自摸，擔心有一日會消失！」其實注射豐胸針後，豐盈效果視乎體質，一般是會維持一年半至兩年，如果想增強效果，可以半年後補針。而她接受豐胸針注射後大約一個月，為了重生的「咪咪」留倩影，拍攝水着照，最令她「感觸」的，是穿舊泳衣時。
升Cup如神蹟！
關伊彤笑說：「以前件泳衣係有push效果，但push咗等如空氣一樣，今次再着，完全係兩回事，簡直係神蹟！其實我係同朋友去一間villa參加pool side party，嗰度有攝影服務，所以順便影埋。當影相時，我係唔知個效果係點，一睇到啲相，真係好surprise，仲反問：『呢個係咪我嚟？』連我自己都唔信！」
由32AA變32D，謙稱只是「吸手波」的關伊彤，說身材「重新」後，打扮比以前較性感，就連子女都反問：「媽咪，點解呢排着得咁少布？」身為思想開通的媽媽，關伊彤直言如果女兒得其「真傳」，同樣是平胸一族的話，絕不反對女兒去豐胸。
「我唔會介意囡囡去打豐胸針，以前我媽係反對，完全唔鼓勵，仲話：『你自己有錢就自己整！』我認為，如果真係好在意身材，點解唔選擇一啲安全嘅方法去改變、提升自信？」
取悅自己
關伊彤說：「打咗豐胸針後大約3星期，『咪咪』已經好軟熟好自然，冇咗初時硬硬哋嘅感覺。自從我豐胸嘅報道出咗後後，有好多人喺ig問我嘅體驗係點，其實有好多身材平版嘅熟女，都好想好似我咁改變身材。我都明白係需要鼓起勇氣，作為過來人，好想同大家分享，其實我哋要錫自己、取悅自己，唔好覺得自己幾廿歲、覺得好核凸，有好多女士生完BB後，身材走晒樣，好打擊自信。」
「其實豐胸針好安全，又唔需要全身麻醉，唔需要擔心。以前聽過有失敗個案，因為唔係由專業醫生去做，甚至有啲美容院以平價嚟吸引客人，同時又偷工減料，透明質酸同鹽水嘅比例唔啱，放多啲鹽水嚟慳錢。我打針時係有專業人士同醫生在場監督，我成日覺得，要靚，都要靚得嚟安全！」
丈夫長年在外地工作，至今只憑視像對話，才見到關伊彤升Cup的變化，關伊彤說：「佢睇到有嘩嘩聲，佢以前成日都笑我身材唔好，仲話叫我不如長期陀B，因為我大肚時個胸係大咗。」
久未拍劇的關伊彤，憑《叠影狙擊》再現幕前，她說拍攝時正值疫情高峰期，加上壓力大，影響皮膚狀態，服食了接近9個月的抗生素及A酸才改善：「真係好耐冇喺TVB出現，但當時嘅皮膚狀態真係麻麻，都好感恩當時劇組好照顧我，而大家再睇落去，就會知道我呢個角色有好多反差位。之前都拍咗一部劇，希望嚟緊多啲作品畀大家睇。」
