發佈時間：16:40 2025-03-18
翁嘉穗︱消委會︱海馬牌︱消委會在本周一（17日）公布14款常見品牌雙人床褥承托力、舒適度及耐用性的檢測結果，當中「海馬牌」（SEA HORSE）一款售價為$2,655的型號「我們的床褥(OUR MATTRESS)」被評為「非常硬」，整體承托表現僅獲2.5分。「海馬牌」回應消委會報告，指該款極硬床褥設計針對特殊人群，包括年長者、剛生育完的婦女及腰背有問題的人，指市面沒有極硬床褥的標準，消委會不應用軟硬適中的測試標準強加於「海馬牌」極硬床褥上，認為並不合理。「海馬牌」更強調品牌有軟硬適中床褥，批評消委會未有選擇這類床褥作出測試，更指如有任何誤會，將保留法律追究權利。
網民群撐海馬牌
檢測結果一出，即成為全城熱話，引起網民熱討，大批網民紛紛留言力撐「海馬牌」，指品牌陪着香港人長大，床褥真的如代言人阿姐汪明荃所指：「好似木板咁堅硬」，承托力超高，質料好，「由細瞓到大」，連家中長輩都直豎拇指讚好，對消委會的檢測結果十分存疑，認為結果離地，測試方法欠公平：「一把尺度晒全世界」、「譁眾取寵」，並支持「海馬牌」老闆鄔友正採取行動外，更有網民以「燒毀會」來譏諷！
網民留言：「鄔生要做嘢告得！」、「我都因為硬先買佢，學阿姐話齋：『好似木板咁堅硬』」、「海馬牌床褥係真心正喎！」、「由細到大都瞓海馬，因為鍾意佢又可硬又可軟」、「海馬牌有好多款床褥，消委會用咗邊款去試？」、「我就係鍾意海馬床褥，非常好瞓」、「我都係用海馬，非常之掂！」、「屋企老人家話好好瞓好舒服喎」、「30幾年前阿姐賣廣告時，賣點已強調是硬，消費者委員會係咪落後又萌塞？」、「消委會譁眾取寵，冇乜公信力。海馬牌床褥軟又有，硬又有，各有所好，非常好瞓！」、「即係你唔可以用個36D去評論我32B，你應該搵32AA平過機場跑道嚟同我比」
相關文章：翁嘉穗鄔友正維權成功！海馬牌打擊內地冒牌獲賠150萬元 6大揀正貨貼士要知！
翁嘉穗：好奇怪
七海化工集團主席鄔友正創辦「海馬牌」至今38年，太太翁嘉穗協助打理品牌「海馬牌」及「軒琴居」逾廿年，零售、管理、採購等均涉獵，「軒琴居」更在其助力下，曾獲「香港名牌」等大獎。對於消委會的檢測結果，翁嘉穗接受東周網訪問並直言：「好奇怪！」
翁嘉穗說：「我覺得好奇怪，因為『海馬牌』床褥向來評分好高，30幾年嚟都係香港銷量冠軍，來自唔同地方嘅客人，都因為信譽同質素高嚟搵我哋。我哋有咁多款床褥，但係就攞咗最硬嗰款嚟測試。如果要測試軟硬適中，我哋都有好多款式，非常歡迎攞嚟測試。」
翁嘉穗續說消委會所測試的型號「我們的床褥(OUR MATTRESS)」，是專門為特別人士而設，如腰骨差人士或孕婦等，正正有針對客人及市場需求，故特別推出這款床褥，推出以來大受歡迎。「唔係賣廣告，我個人嚟講，都有瞓過呢款，生BB前覺得點解咁硬，但生BB後就真係覺得好好瞓，咁多年嚟都有客人買呢款床褥。我哋做咗咁多年，係知道客人嘅需要而設計，所以我唔擔心呢個測試結果會影響客人對我哋嘅信心。」
家庭事業兩得意的翁嘉穗，不單因保養有道而被網民封為「逆齡女神」，更被指是最有愛心的港姐！皆因翁嘉穗一直積極參與社會公益事務，除了曾以慧妍雅集會長之名舉行多個慈善活動外，更曾是東華三院總理及香港海洋公園保育基金籌委會委員等，慈善公職多多，最近更是「成就解鎖」，首次出任國際性組織的督導委員！
成為EmpowerHer Network督導成員
今年成立75年的香港紅十字會最近啟動全新組織「EmpowerHer Network 」，匯聚40位具遠見卓識的傑出女性成為創始成員，包括前線醫護人員、教育工作者、企業家、熱心公益人士及各領域專業人士等，發揮其影響力，以推動健康、災害應對與領導力發展，塑造更具韌性的社區，推動人道工作的發展。
翁嘉穗身為「EmpowerHer Network」創始成員，並和何超鳳等成為「EmpowerHer Network」督導委員會成員，榮譽創始成員暨督導委員會主席是合和實業主席胡應湘太太胡郭秀萍，而李家誠太太徐子淇也是創始成員之一，日前「EmpowerHer Network」舉行啟動禮，翁嘉穗更即席擔任專題討論講者。
「被邀請成為『EmpowerHer』一份子，我深感榮幸，同時亦係對我歷年嘅公益慈善工作，係一個肯定。成為國際性人道組織嘅一員，真係第一次，我希望透過呢個平台，匯聚更多女性力量並發揮功能，同其他志同道合嘅卓越成就女性建立聯繫，緊密交流，擴大喺人道工作嘅影響力。」
