發佈時間：18:27 2025-01-11
堅尼地城改名叫「坚泥地城」？有馬路之友周四（9日）在社交平台Threads分享照片，指途經港島干諾道西時驚見馬路面出現這四個字，問「香港幾時多咗『坚泥地城』」？帖子隨即引發網民猜測，有人認為是改圖，指「啲字好怪，似ai（人工智能）圖多」。不過，路政署隨後承認路面標示有誤，並爆出了堅尼地城「被改名」的原因。
香港幾時多咗個「坚泥地城」？
樓主在帖子中發布照片並提問﹕「想問下香港幾時多咗『坚泥地城』呢個地方？」之後又在回應欄上載了之前的「堅尼地城」路標街景地圖佐證。但怪名路標轉瞬即逝，樓主於昨日（10日）中午上載相片補充指，「啱啱經過已經更新咗」。
網民嘲坚泥地城是「堅硬的泥土地」
網民對這座「坚泥地城」大感好奇，紛紛查問﹕「咩位置？」「呢幅圖冇頭冇尾，你邊度影？西隧口？」，樓主回覆稱是「干諾道西」、「干諾道西近西隧口」。還有網民追問事件「點解會咁」，有人則笑說「坚泥地城」是指有「堅硬的泥土地」。
有熱心人士更在親往視察後在Threads發帖說﹕「（9日）放工時間我特意到現場睇咗次，發現該處正進行路面重鋪工程，相信該標示是最近重鋪時臨時加上，英文部分使用串法正確但中文的錯誤仍未清去」。
有知情的網民則就樓主懷疑是路政署出錯這點表示﹕「未必係路政署嘅錯，因為有時啲public utilities（公共事業）例如煤氣中電港燈或者政府部門水記渠務等，需要做excavation（挖掘），就要向路政署申請，除咗要畀錢，仲要完事後鋪番靚仔，再搵路政署收貨。呢張相睇到係重鋪嘅位置出錯，第日佢哋搵路政收貨實會叫佢修正」。
港燈致歉 解釋堅尼地城「被改名」原因
而路政署在回覆《星島頭條》網記者的查詢時亦指，港燈公司在現場有掘路工程，在地面貼上臨時路面標記，該公司已按署方要求於10日完成更正。
港燈則就事件可能引起的不便致歉，並解釋指承建商正於干諾道西進行電力改善工程，完成路面重鋪工程後，工人在地面貼上臨時路面指示標記時誤用不正規的字體。港燈已立刻指示承建商作出修正，並叮囑工程人員及承建商要小心留意工程細節，避免再出現類似情況。
