發佈時間：16:31 2026-09-07
有網民今日(7日)在社交媒體Threads發布一條短片，片中影住一碗冚着蓋的外賣米線，未打開已見裡面隱約有粉紅色物體在郁動，其後另一片段影到打開外賣盒後，除了沙嗲雞蛋奄列米線外，更「加料」驚現一隻「生勾勾」的老鼠BB，且非常生猛，不斷扭動四肢，令一眾網民譁然：「好痴線！仲要連眼都未開‥‥‥」令人毛骨悚然。
據悉該餐廳位於葵涌華星工業大廈華姐冰室，短片一出，Threads網民瘋傳，並引來熱議，有網民留言：「今日香港最爆嘅thread post 仲唔係呢個？」。其他網民則紛紛表示驚訝：「好痴線，仲要連眼都未開。」，「打開有曱甴已經喺驚嚇度第一名，冇諗過係一隻生勾勾嘅老鼠bb」。
有網民則冷靜建議樓主：「你成個盒冚住佢唔好開，然後call食環。」亦有網民湊熱鬧：「你可以不看，但一定要叫你朋友看。」更有網民打趣說這是一道名菜：「三叫鼠，又稱為三吱兒、蜜唧，是一道菜，用筷子夾起幼鼠時，幼鼠會叫一聲，把幼鼠沾醬或其他調料時會叫第二聲，放入口中時會叫第三聲，故名三吱兒。」
原po樓主表示，已原封不動報食環署。本刊亦已聯絡食環署，惟未有回覆，若有進一步消息，會盡快通報。
事後，記者到涉事「華姐冰室」了解，其老闆Mike指事件誇張，希望可以聯絡食客了解事件，「真係好恐怖，仲係活生生真係好難，唔揣測係咪畀人整蠱，我覺得個可能性唔係好大，始終我哋開咗業年幾，從未發生過呢啲事」。
他憶述今日有一名食客打電話到冰室落單，當時對方叫了一個常餐，並由水吧員工負責烹煮，之後再拿出樓面給員工包起，「牛肉麵係新鮮整，牛肉都要煮熱，煮熱之後隻老鼠應該死咗，唔會仲郁得咁犀利咁生猛」。他又透露上周有廚房員工離職，但未知是否與事件有關，由於包裝外賣的樓面已經下班，他稍後會向對方了解事件。
Mike指冰室開業大約一年多，從未聽過外賣出現老鼠或蟲的情況，但坦言冰室附近是工廠區，所以間中都會有老鼠出沒，故每月都會大清潔消毒。他多次向記者表示，希望可以與食客取得聯絡了解事件，又指日後將會加密進行滅鼠及滅蟲等工作。
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
