更新時間：12:29 2026-05-02
發佈時間：12:29 2026-05-02
發佈時間：12:29 2026-05-02
港式燒味向來是香港人飯桌上的常客，無論是午餐「斬料加餸」還是晚飯外賣，叉燒、燒鴨、燒肉幾乎是每日必見的滋味。近年不少餐廳主打平價燒味飯吸客，更有KOL推介高質燒味，引起一陣「港式燒味熱」。然而，近日有網民在連登發帖，痛批香港「燒味佬」手勢參差，列出「六宗罪」，引起熱烈討論。
帖文以「香港啲燒味佬大部分都係食X大」為題，樓主直指不少燒臘店出品不穩，問題源於師傅態度欠佳。他形容，有時買叉燒會被斬到「又硬又皺」，燒肉則「成舊肥豬肉車落嚟」，燒鴨更只剩「塊皮」，鴨肉薄得像「A4紙」。至於豉油雞或白切雞，則常被斬得「碎晒」，滿是碎骨，令食客大感掃興。
他又批評燒味飯的白飯「原本合格」，卻因豉油淋得太多變得「又濕又淋」，口感全失。若要求加薑蓉，店員又會以「冇嗌雞」為由拒絕，令他直言「燒味佬真係唔識做生意」。
帖文一出即引來大批網民回應，不少人表示感同身受，認同燒味質素「睇彩數」。有人留言指「靚肉儲埋唔知做乜」，懷疑店家將好肉留給熟客或「例牌飯」，笑言「同一間舖，例牌同散叫係兩個世界」。
亦有網民分享親身經驗，指燒味店「男女待遇有別」，認為女性顧客較易「中靚肉」，留言笑言：「同老婆去食，佢有鵝髀，我就得背，啲肉薄過紙。」有人更戲言：「要肥燶叉有肥燶叉，要半肥瘦有半肥瘦，睇樣揀肉。」
另有網民指出，燒味師傅多數會將靚肉留起「做例牌」，普通客人買到的叉燒往往「又乾又柴」。有人打趣說：「我碟叉飯啲叉燒同對面搭枱個例牌加個白飯啲叉燒係兩樣嘢嚟。」
雖然不少人批評燒味店「態度差、手勢亂」，但亦有網民認為「燒味係香港文化之一」，質素參差只是行業現象，笑言「食燒味要睇彩數，中靚肉就當中六合彩」。
資料及圖片來源：LIHKG、星島圖片庫
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
最Hit
