發佈時間：19:40 2025-12-04
奪去逾百人性命的大埔宏福苑五級火，在香港人的心中留下清晰的烙印，對毗鄰的廣福邨居民而言，更是造成了心理陰影。有目睹災難發生的居民近日便在社交平台發文，直言每日仍被慘劇佔據腦海，而身處僅距災場500米的家中，就像活在平行時空，「甚至仲未有勇氣再拉開房間嘅窗簾」。
廣福邨居民「第一視角」目擊宏福苑五級火
樓主在文中寫道，自己住處距離災場僅500米，一直以「第一視角去睇」這場世紀災難，「無論係一開始嘅七座連燒定火災後嘅狼藉，我都睇得清清楚楚」，至今「仲未有勇氣再拉開房間嘅窗簾」。樓主坦言，當時一度擔心火勢會繼續蔓延，又憂心死傷數字會繼續上升，形容「所有野（嘢）都好驚」。而自己身處家中生活如常，則如置身平行時空一樣，「覺得自己好冇用，覺得自己咩都做唔到」。
樓主又指，感到自己正在壓抑情緒「忍受緊」，但認為自己「應該要比佢哋（災民）更堅強」。然而，日前再聽到救護車的聲音，原本希望「只是小事」，惟翌日卻看到新聞報道指有人墮樓，當場不治，讓他大感無助，難以繼續壓抑情緒，直言「活着的人才是在地獄」。
樓主表示，今次事件仍然佔據他大部份生活，住所附近的一事一物「提醒我件事未完」，「只要一抬頭我就可以見到上星期依舊萬家燈火通明嘅家園，今天已被黑暗籠罩 一片狼藉」。樓主強調自己不是想「賣慘」，僅是以第一身視角講述附近居民的感受。
街坊安慰﹕喊完繼續一齊行落去
帖文吸引街坊和網民留言，不少同為廣福居民的人則表示有同感，「到而家我一直都係低頭行唔敢周圍望」、「仍會不時聞到燒燶既（嘅）味」，有人更透露已向相關機構求助，「心情明顯好左（咗）小小」，亦相勸如情緒受困擾，應向專業人仕求助。
還有街坊安慰樓主，指「我地（哋）大家經歷緊同一樣野（嘢），你不孤單。我地有好多同行者。一齊都會好，我地（哋）耐心啲，交比時間，我地（哋）一定會走返出黎（嚟）」、「喊完，然後繼續一齊行落去」。
有網民亦言﹕「你係（喺）隔離，你點會覺得你吾（唔）係災民？」
情緒支援熱線及服務：
| 服務機構 | 熱線／電郵地址 |
| 香港撒瑪利亞防止自殺會熱線 | 2389 2222 |
| 醫院管理局精神健康專線 | 2466 7350 |
| 社會福利署熱線 | 2343 2255 |
| 明愛向晴熱線 | 18288 |
| 東華關懷熱線 | 2548-0010 |
| 撒瑪利亞會熱線 | 2896 0000 |
| 香港青年協會關心一線 | 2777-8899 |
| 生命熱線 | 2382 0000 |
| 賽馬會青少年情緒健康網上支援平台-「Open噏」24小時網上輔導 | 9101 2012（SMS） |
| 學友社學生熱線 | 2503 3399 |
| 利民會《即時通》 | 3512 2626 |
| 香港撒瑪利亞防止自殺會「Chat 窿」網上聊天服務 | https://chatpoint.org.hk |
| 紅十字會心理支援熱線 | 5164 5040 |
| 香港情緒心晴熱線 | 6996 6463 |
資料及圖片來源： yammee_biu@threads、星島圖片庫
