更新時間：19:05 2025-11-13
發佈時間：19:04 2025-11-13
發佈時間：19:04 2025-11-13
禮貌要從小培養！近日天水圍小學生便因在過馬路時一個有禮動作爆紅，獲得全網網民大力表揚，紛紛表示「好難得，抵讚」，直言「呢啲真係好有教養」。還有網民自爆「我唔係學生，我都會咁做，禮多人不怪」。
樓主：值得表揚
樓主前日（11日）以「很有禮貌的小學生，係值得表揚嘅👍🏻👍🏻👍🏻」為題，在facebook群組「車cam L（香港群組）」發帖，並上載了一段車CAM片。從片中可見，當日下午3時19分左右，在天水圍天恩邨附近的馬路上，有3名孭着大書包的小學生正等候過斑馬線。
他們在車輛停定後邁出腳步，走至中段時，其中一名小學生突然面向司機企定定，並作90度鞠躬致意，同行的另一人也隨即鞠躬，之後才繼續走到對面馬路。
網民：絕對要讚賞
如此乖巧有禮的小學生讓網民驚嘆，紛紛留言大讚「乖仔」、「超讚」、「好難得，抵讚」、「教育進步咗係真嘅」、「見到小朋友咁有禮貌，絕對要讚賞」。有人則指「呢啲真係好有教養」、「好孩子，有家教，讚」、「真係乖，佢哋爸爸媽媽教得真好」、「讚，給孩子。謝謝，給他的家人」、「好難得時下嘅小朋友咁有禮貌，證明有家教，家長同埋教師都應該感到自豪。抵讚！」，並形容他們為「社會的棟樑」。
網民：禮多人不怪
有網民則自爆「我唔係學生，我都會咁做，禮多人不怪」、「我都有舉手㗎」。還有人認為，「人與人之間都係互相尊重㗎」、「希望也有很有禮貌的司機，也是值得表揚的」。
資料來源：Bosco Chu＠facebook車cam L（香港群組）
最Hit
