發佈時間：19:45 2025-10-04
有網民近日在某屋邨驚見一戶單位，以極為離奇的方法安裝窗口式冷氣機，致使兩側打開的窗戶被頂實，無法關上！該網民拍下現場情況後，在社交平台Threads以「冷氣安裝」為題上載相片發帖分享情況，隨即引發關注。不少網民大感好奇，直問「想知點捱得過『樺加沙』」？
網民：想知點捱得過「樺加沙」
大為吃驚的樓主在帖文中寫道：「到底個師父係點樣氹到屋主收貨？」好奇的網民紛紛留言回應，還有人認真回答樓主的提問，指「師傅可能話成隻窗換好貴喎，仲要還原俾房署，到時好麻煩，又要使多筆錢。裝塊黑色板，唔漏冷氣，唔滲水、滲熱氣就得啦。嗰兩隻窗開住無問題㗎，你呢個單位向內街，就算『天鴿』、『山竹』都唔會吹爛窗㗎，如果爛咗就搵我，幫你搞掂。可能就係咁，屋主被成功氹掂」。
提到大風，網民也關心「打風仲唔爆」、「打風乒鈴嘭唥」、「過咗10號風球整㗎」、「我想知點捱得過『樺加沙』」。連樓主也在回應欄稱：「打風嗰陣拍手咁款。」
另有網民詢問現場「係咪朗屏（邨）嚟」？接著有不少人發散思維，形容這部是「收納式冷氣機」、「呢個隔音露台～呢部易拉架冷氣，有前後路軌～」、「師傅可能安裝了伸縮杆，唔用嘅時候，可以收回屋內，然後關閉窗子」。
養生網民：依啲叫空氣流通
另有網民則調侃指「呢款冷氣機好特別，冬天開嘅時候，先感覺到涼意」、「依啲叫空氣流通，機械嘅嘢你唔識咁多㗎喇」、「藝術嘢來」、「裝飾嚟？」。有人則估計如此獨特的安裝法，有可能是「屋主要求」，「可能個師傅就係屋主」。
網民細看相片看出蹺妙
雖然有人質疑是「AI相」（人工智能），但不少人細看照片後，發現了其中蹺妙：「見到另外封咗板，製冷應無問題。」「屋主都唔知出面無拆，因為已用綠板封晒。」「其實，係唔係落咗亞加力膠，我哋睇唔到咋。」「入面封咗板，入水就唔會，係打風除（隨）時撞到爆玻璃」「只係無拆舊窗。」「問題只係兩隻窗有無固定到。」
資料來源：waiii_t＠Threads
立即追蹤《東周刊》全新WhatsApp頻道，緊貼全城熱話、突發猛料、獨家消息！
