更新時間：19:31 2025-09-20
發佈時間：19:30 2025-09-20
發佈時間：19:30 2025-09-20
求職見工，有時總會遇到一些奇聞趣事。一名剛畢業的網民近日便在社交平台Threads發帖分享驚嚇經歷，指自己到土瓜灣一家市場推廣公司見工時借用洗手間，結果「一開門真係嚇親」，內裏竟有3個馬桶排排坐，感嘆「睇嚟我真係白紙嚟，我第一次見咁前衛嘅設計」。
樓主：一開門真係嚇親
樓主於本月12日以「見工鬼故事」為題發帖分享此次見工體驗，其間以「題外話」提到，「我去佢個廁所嘅時候一開門真係嚇親。佢係3個馬桶排排坐，中間完全冇隔層……佢呢個設計係俾人哋3個一齊去廁所？睇嚟我真係白紙嚟，我第一次見咁前衛嘅設計」。隨後樓主還在網民要求下，上載了一段拍有該洗手間環境的5秒短片。
片中可見，該洗手間相當整潔，以木色作主調，點綴著不同的植物與畫作，還有藤籃，帶點骨子書房的感覺。在3個並排的馬桶中，左起第一及第二個中間隔着一道透明玻璃門，第二和第三個中間則放置了藤籃和盆栽。
樓主在回應欄中形容玻璃門的設計「勁九唔搭八」，還表示洗手間設在辦公室內，自己「嗰陣人有三急推門入去嗰刻喺門口呆咗10秒，然後我仲走去沖咗次廁所check（檢查）下係咪真係用得。我都有周圍望吓有冇CCTV（閉路電視）。佢大門係有得鎖，但係佢手柄嗰個lock（鎖）位係壞咗，佢上面有嗰啲拉嘅鎖鎖住。成件事勁唔舒服」。
不少網民也驚嘆「大開眼界」、「第一次見咁奇怪嘅廁所」、、「第一次見裝修得咁雅致但又kam（尷尬）嘅廁所，好似會出現喺dreamcore（夢核，圍繞「夢」的美學）嘅場景」。有人則指「有冇病？幼兒園式設計喎」、「同事之間一定好好感情，屙屎都可以面對面傾計」。
資料來源：_yuentingg＠Threads
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
最Hit
