發佈時間：19:22 2025-09-19
本港不少食肆都會在高峰時段設定用餐時限，以便能增加客流量，但坐下僅30分鐘便被侍應三度催促埋單，甚至「敲檯趕客」，實在讓人氣憤。有網民在社交平台分享了今日（19日）在油麻地一間老牌茶記午膳時，遇到的這段不愉快經歷，網民紛紛表示憤慨，怒言「以後唔洗去」。不過，涉事茶記職員卻表示苦衷。
樓主在「香港茶餐廳及美食關注組」群組發帖指，自己於下午約1時15分入座，與其他顧客共用一張四人圓枱。用餐約15分鐘後，便有一名女店員問他「碟飯仲要唔要」，他當即表示「要！！未食完」，並繼續用餐。但數分鐘後，她又「亨」（敲）了一下餐枱，催促他「食快啲出面好多人」，讓樓主「愕然左（咗）幾秒」，隨即回道﹕「咁又點，我又未食完。」
惟後女店員不停做出「好多小動作」，包括「收走我洗餐具隻杯」及「將啲砂糖兜調嚟調去」，明顯是要催促他趕快離座。樓主最終於下午1時45分埋單，整頓飯用了不過半小時。他指自己「亦無發佢脾氣」，只是在「埋單個陣同老闆投訴下佢算數」，並嘆道﹕「唉！現（依）家香港人咁辛苦都係想食餐安樂茶飯都咁受氣。」
敲枱催客引熱議 網民﹕以後唔洗去
不少網民對樓主的遭遇感到氣憤，表示「呢個乜嘢世界，辛苦搵嚟自在食，比錢食飯都要趕候趕命，算吧啦，吾（唔）使理佢，慢慢食」、「越催我越故意坐到最後一秒，呢個係我原則」、「點解唔當場爆佢，全餐30分鐘都被趕」、「以後唔洗去」。有人則認為「你同佢老闆投訴有咩用？可能係佢老闆叫佢咁做」。
店員解釋有苦衷
涉事的華康茶餐廳資深店員盧小姐指，當時沒有留意到有夥計做「敲枱趕客」的行為，但承認要求食客「快食快走」讓他們多「翻枱」很重要，「我哋餐廳就係得9張枱，一日得午膳個零鐘係黃金時間，唔翻多啲枱我哋執笠㗎喇」。她又稱，「我哋得幾個伙計，全部都做了很多年，老闆講明唔會請外勞、唔會趕我哋走。我哋當然都想幫老細盡力做，難免有時心急咗，驚出面排隊嘅人等唔切會走呀」。
盧小姐續指，餐廳開業47年來，因位處內街，一直都是做熟客生意，對於地方淺窄坐得逼，一般都很體諒。她感嘆香港是「投訴之都」，生意越來越難做。
