發佈時間：19:49 2025-08-20
有業主昨日（19日）在社交平台發帖，公開所住將軍澳大型私人屋苑最近向居民發出的通告，通告諮詢居民擬引入10部「禮賓機器人」的建議，預計屆時將削減約4成保安崗位，每年可節省逾百萬元開支。有關消息隨即引發網民關注，不少人感嘆「中年失業連保安都冇得做」。
41%保安崗位可削 開支節省$103萬元
根據樓主分享的通告，有關屋苑建議的新方案為「7名保安崗位＋10部禮賓機器人」，較現時「12名保安」的數目減少約41%四成一。每年總成本開支亦會較現時減少約26%，即約293萬元（當中包括新增約62萬元的「禮賓機器人保養」費用），較現時約396萬元大幅節省103萬元。
通告指，相信新方案能提升保安服務水平之餘，亦更具成本效益。業主可在通告上剔選是否同意「保安通宵當值崗位分佈優化建議，及引入禮賓機器人優化保安服務」，諮詢期到9月17日為止。
失業樓主：AI大趨勢保安都冇得做
現正失業的樓主質疑：「失業率不斷上升，成日聽到有人話中年失業就去做保安，不過……人工智能大趨勢影響下，物業管理甚至保安都冇得做。」他擔心「好快好多大型屋苑都會仿效」。同時亦懷疑通告間接暗示「如住戶要減管理費，首先就要認同佢哋計劃減少請五個職位，然後換來機械人幫手」。
質疑多方面難替代真人 網民：噱頭大於實際
有關機械人取代保安方案吸引不少網民討論，有人感嘆「連保安都收皮了」、「無得諗，死硬」。有人透露所住屋苑亦已開始裁減保安人手：「我棟樓前排都有個保安畀人炒，見人就捉住伸冤。」「我地大廈咪就係炒晒d保安。」
很多網民批評方案「噱頭大於實際」，質疑機械人能否完全取代保安員：「睇唔到具體咩方案，check樓上滴水，有大耳窿上門搵機械人？」「有罪案點Ｘ算，人有閱人經驗可以睇得到，機械人/智能ai有乜Ｘ經驗？」有人更特別指出：「保安既（嘅）作用係畀啲麻煩住客罵，住客心諗：我交咁多管理費，你唔派個真人嚟畀我罵。」
另有人認為加上保養維修費，成本效益未必划算：「咪攪笑，人力成本係低過機械人好多。機械人保養係要錢，保養個間公司又要請人去做保養。」
但也有人讚成以機械人取代保安員：「當然要大力支持！大部份保安都係瞓覺，可以返屋企慢慢瞓啦。」
網上資料顯示 禮賓機械人可同時處理多重任務
該通告未有介紹屋苑計劃引入的「禮賓機器人」功能，據網上資料顯示，禮賓機械人是體型精巧的客服機械人，專門設計放置在辦公大樓、商場、住宅大樓等出入口，負責把關。它們有Wi-Fi連線、自主充電、自動避開障礙物等功能，可全日24小時隨時隨地流暢運作。加上內置電視屏幕鏡頭，以及容器和托盤等添加硬件，機械人可同時處理多重任務。
來源：lawrence_kchau＠Threads
