發佈時間：19:59 2025-08-06
買藥變買舖？有網民在社交平台上發帖分享了一段離譜消費經歷，指在沙田一間連鎖藥房買藥，價格為160元，但以電子支付付款時，卻被店員誤碌「天價」逾4,200萬元，連「職員都呆咗」！事件引發熱議，最後涉事藥房發帖解畫，透露收「天價」原因。
被收$42,695,209.52 事主：好彩夠窮
從事主上載的支付交易記錄截圖中可見，當時被收取42,695,209.52元。事主在帖文中表示，他以電子支付方式付款，「碌卡嗰陣話交易失敗」，他感奇怪，便「打開手機望咩事，一打開，4000幾萬」！由於金額遠遠超過支付限額，因此「被拒收」。職員其後更正銀碼，截圖可見成功收取了160元。
事主以Hashtag表示當時情況及心情：「#我買藥啫唔係買鋪（舖）呀」「#d職員都呆咗」「#想呃我4000萬！？」「#$4000都冇呀」。他還在回覆留言時幽默地說：「好彩夠窮。」
網民於涉事藥房曾遇同類事件：被收3800萬
帖文引發熱烈討論，有網民認為事件「好離譜」，部分人亦透露曾在涉事連鎖藥房其他分店支付時，被收取天價金額，甚至有人截圖分享曾被誤收3,800餘萬元。另有網民則說：「我都試過要畀$310，佢碌咗我$888,999，仲夠膽收我overlimit charge。」
有網民表示幸好金額為天價，才不會成功被過數：「如果佢係㩒錯4千幾蚊，就可能唔會即時發現了。」
網民籲長者小心：嘟之前望吓銀碼
不少人奇怪為何會出現天價金額，最多網民估計是「入錯barcode當價錢」，樓主亦認為「呢個係唯一解釋」。也有人認為可能是「入咗你信用卡號碼」或「個咭（卡）機傻咗」。有網民提醒﹕「所以無論係嘟八達通或者信用卡之前，真係要望吓個銀碼，尤其是要教啲老人家，佢哋真係唔睇就嘟落去。」
涉事藥房隨後在帖文留言，解釋店員誤收天價的原因。據該藥房指，收款的操作流程「係收銀同事先按『確認』鍵，再拍員工卡核實交易金額」，惟若收銀員工無按「確認」而直接拍員工卡，「個銀碼就會變咗員工卡背後嗰組8至13個位嘅虛擬卡號」。因此，估計今次事件是員工在收款時誤入員工卡號碼所致，「我哋會俾返呢個Post同事睇，希望以後佢唔會再咁唔小心，抱歉。」
來源：ching_man_oppa＠Threads
