發佈時間：20:04 2025-08-01
有市民日前在元朗乘搭巴士時遺失錢包，當中有一張剛增值了100元的個人八達通卡。他表示想賭一下拾到錢包的人會否使其八達通，才沒有即時報失，結果賭輸了。賊人不僅花了卡內的100元，還使用了一招為八達通「自動增值」後，在便利店消費了281元。
樓主上載交易記錄截圖
樓主於7月30日下午在社交平台Threads發帖，以「拾遺不報」為題，指事發於本周一（28日），「入完$100落車就喺巴士度跌咗個銀包」，並附地點標籤「朗屏巴士總站……K66線」。從他上載的八達通App交易記錄截圖，可以了解到其個人八達通被盜用的過程。截圖顯示，樓主於28日早上7時52分增值100元，當晚11時15分有人拍卡領取了178.3元「交通費用補貼」，17分鐘後在一間OK便利店消費了281元。
樓主指「拎咗人哋個銀包，用埋人哋個補貼，用埋人哋啲錢，個人八達通嚟㗎，有冇良心」。
據樓主指他已報警和報失：「28/7嗰日已經報警同埋cut晒啲銀行卡」、「唔見銀包嗰日報咗一次，知道佢用咗張八達通，再報多次」。
樓主續解釋略遲報失八達通卡的原因﹕「見好多人問點解唔即刻報失張八達通，其實我都有諗過，但係有少少賭嘅成份。喺巴士站行返上上層睇同問埋站長，見搵唔到銀包嗰下都估到俾人拾咗。就只係想睇下個人會唔會用張個人八達通，報警都起碼知邊個喺邊度用咗。唔係鼓勵大家好似我咁」。
有網民留言指「香港係咁，你唔好以為好多好人」，還有網民好奇「OK買280幾蚊係買咗啲乜」。
八達通報失服務
八達通官方網頁提供報失服務，只須提供身分證明文件號碼及出生日期即可。但服務只適用於個人八達通、八達通自動增值服務及已綁定八達通用戶。此外，失主需付50元報失八達通服務費（包括手續費及該八達通之成本費），收費會從該八達通按金中扣除。
樓主附薄酬尋失物
在丟失錢包後，樓主也在Threads上載同款卡銀包照片，並發帖跟進尋找失物情況。他先於29日凌晨2時07分發帖指﹕「巴士失物 #唔見銀包。28/7朝早（7:50am～8:10am左右）喺蝶翠峰搭（K66）去朗屏站，喺朗屏站上層落車嘅時候跌咗個銀包，淺啡色男士卡銀包。身份證、銀行卡、有相片、八達通同遊戲卡，希望得到人士聯絡自己，薄酬謝謝！」
隨後於29日下午5時08分發第二帖，指：「今日查到有人拎咗八達通補貼，希望拎咗嗰位人士交到警署，謝謝。」30日下午2時36分再發帖，指「噚日查到有人拎咗八達通補貼去咗OK（便利店）用晒啲錢。今晚會去警署報案，拾遺不報使用他人財物，希望拾到嗰位人士仲有少少良心，請將所有嘢交去元朗警署。謝謝。」
第四帖於同晚7時29分發布，他在帖子中呼籲「嗰位人士，希望你有返少少良心。錢你洗咗都算，證物好心你俾返人啦」。
資料來源：ma_naaaa_017＠Threads
